მე მქონდა პატივი, მარტში მესაუბრა პრემიერ-მინისტრ კვირიკაშვილთან, რომელმაც მომიწვია საქართველოში ჩემთვის ხელსაყრელ დროს და მეც ჩამოვედი, როგორც კი ამის შესაძლებლობა გაჩნდა, - ამის შესახებ აშშ-ის სახელმწიფო მდივნის თანაშემწემ ევროპისა და ევრაზიის საკითხებში ვეს მიტჩელმა ნატო-საქართველოს სახალხო დიპლომატიის ფორუმზე სიტყვით გამოსვლისას განაცხადა.

მისი თქმით, ამერიკის შეერთებული შტატები მტკიცედ უჭერს მხარს საქართველოს გზას ნატოსკენ და ევროკავშირისკენ.

„ეს არის ჩემი პირველი ოფიციალური ვიზიტი საქართველოში - ქვეყანაში, რომელსაც მე დიდი ხნის განმავლობაში ვაკვირდები და რომლითაც მოხიბლული ვარ. ჩემთვის ძალიან სასიხარულოა, რომ მაქვს შესაძლებლობა, წვლილი შევიტანო ამ ღონისძიების გახსნაში, რომელიც ეძღვნება საქართველოს ურთიერთობებს ნატოსთან. ბოლო ორი დღე ბრიუსელში გავატარე სახელმწიფო მდივან პომპეოსთან ერთად, სადაც მონაწილეობა მივიღეთ ნატოს საგარეო საქმეთა მინისტერიალში. შეხვედრების დროს მან ხაზგასმით აღნიშნა ის, რასაც მე დღეს აღვნიშნავ - ამერიკის შეერთებული შტატები მტკიცედ უჭერს მხარს საქართველოს მის გზაზე ნატოსკენ და ევროკავშირისკენ", - განაცხადა ვეს მიტჩელმა.

ავტორი: ,

სოციალური ქსელები

წიგნების ჩალაგება დავიწყე - ვუჩიჩმა მალე გადადგომის შესახებ განაცხადა

ქსირმა პირობა დადო, რომ ახლო აღმოსავლეთს აშშ-სთვის „ჯოჯოხეთად“ გადააქცევს

პაპმა ლეომ ბარსელონას საკათედრო ტაძარში იესო ქრისტეს კოშკი აკურთხა

აშშ-მ ირანი დაბომბა