გაერო-ს გენერალური ასამბლეის მაღალი დონის შეხვედრის ფარგლებში, საქართველოს მიერ ორგანიზებული პარალელურ ღონისძიების "ადამიანის უფლებების პატივისცემა მდგრადი მშვიდობისთვის" მონაწილეებს სიტყვით მიმართეს გაერთიანებული სამეფოსა და საფრანგეთის წარმომადგენლებმა.

მათ საქართველოს ოკუპირებულ ტერიტორიებზე ადამიანის უფლებათა მდგომარეობაზე გაამახვილეს ყურადღება და საქართველოს მთავრობის სამშვიდობო ინიციატივის მიმართ სრული მხარდაჭერა დაადასტურეს.

"ბრიტანეთი მხარს უჭერს საქართველოს სამშვიდობო ინიციატივას. ეს არის პრაგმატული, ინოვაციური გეგმა და იძლევა კარგ შესაძლებლობებს ომით დაშორიშორებულ საზოგადოებებს შორის ხიდების აგების" - განაცხადა გაერთიანებული სამეფოს წარმომადგენელმა ჯონათან ალენმა.

"ინიციატივები ხიდების მშენებლობისა და ჰუმანიტარული მდგომარეობის გაუმჯობესებისთვის არის ის რაც ჩვენ დღეს გვჭირდება" - განაცხადა ფრანგმა დიპლომატმა.

ბრიტანეთისა და საფრანგეთის წარმომადგენლებმა ასევე ხაზი გაუსვეს საქართველოს ოკუპირებულ რეგიონებში მონიტორინგის საერთაშორისო მექანიზმების, მათ შორის გაერო-ს ადამიანის უფლებათა კომისრის ოფისის დაშვების აუცილებლობას.

ღონისძიებაზე ასევე  მხარდამჭერი განცხადებები გააკეთეს პარტნიორმა ქვეყნებმა.

საქართველოს მიერ ორგანიზებულ პარალელურ ღონისძიებაზე საქართველოს ვიცე-პრემიერმა, საგარეო საქმეთა მინისტრმა მიხეილ ჯანელიძემ ყურადღება გაამახვილა იმ მძიმე ვითარებაზე, რასაც საქართველოს ოკუპირებულ რეგიონებში იწვევს საოკუპაციო ძალის მხრიდან ადამიანის უფლებების უხეში ხელყოფის ფაქტები და საერთაშორისო თანამეგობრობისათვის ამ ტერიტორიების იზოლაცია.

აშშ-ში ვიზიტის ფარგლებში, მიხეილ ჯანელიძემ მონაწილეობა მიიღო გაეროს გენერალური ასამბლეის მაღალი დონის შეხვედრაში „High level meeting on peacebuilding and sustaining peace" და სიტყვით მიმართა ღონისძიების მონაწილეებს.

ავტორი: ,

სოციალური ქსელები

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური