დეპუტატებსა და გარემოს დაცვის მინისტრს შორის სიტყვიერი დაპირისპირება მოხდა

2015-05-20 14:24:28, 354 ნახვა

პოლიტიკა

გიგლა აგულაშვილი გარემოს დაცვის მინისტრის რანგში პარლამენტში დღეს პირველად მივიდა. კომიტეტის სხდომაზე დეპუტატებსა და უწყების წარმომადგენლებს შორის დაპირისპირება მოხდა. კამათის მიზეზი 2015 წლის 24 აპრილით დათარიღებული დოკუმენტი გახდა, რომელსაც ხელს ყოფილი მინისტრი ელგუჯა ხოკრიშვილი აწერს.ამ დოკუმენტით საქართველოს ტერიტორიაზე ცოცხალი გენმოდიფიცირებული პროდუქტის შემოტანის საკითხი რეგულირდება.საუბარია სოიოს პროდუქტზე.
დეპუტატების თქმით, ეს ეწინააღმდეგება პარლამენტის მიერ მიღებულ რეგულაციებს, რომლითაც საქართველოში გენმოდიფიცირებული პროდუქციის შემოტანა გამკაცრდა.
"ჩვენი პოზიციაა, ყოველგვარი ცოცხალი გენმოდიფიცირებული ორგანიზმების იმპორტისგან წინააღმდეგი ვართ.თქვენ შეასრულეთ კანონი და ისაუბრეთ კანონიდან გამომდინარე",-მიმართა საპარლამენტო უმრავლესობის წევრმა ზურაბ ტყემალაძემ გარემოს დაცვის სამინისტროს წარმომადგენლებს.
"2015 წლის 24 აპრილის მინისტრის ბრძანებამ დისკრედიტაცია გაუკეთა იმ პოლიტიკურ ხაზს, რომელიც დაკავშირებული იყო ეკოლოგიურად სუფთა წარმოების განვითარებასთან საქართველოში. ამ ერთმა ბრძანებამ. მექანიზმი მითხარით, როგორ შეზღუდავთ",-აღნიშნა დამოუკიდებელმა დეპუტატმა გია გაჩეჩილაძემ.
გარემოს დაცვის უწყებაში კი ამტკიცებენ, რომ სიაში, რომელიც კანონის მიხედვით არის დადგენილი, ეს პროდუქტი შედის და შესაბამისად, მიღებული გადაწვეტილება კანონს არ ეწინააღმდეგება.
"ამ რანგში ჩემი პირველი სტუმრობაა პარლამენტში და სასიამოვნო შეხვედრა მომიწყვეთ დიდი მადლობა ამისთვის.ჩვენ რატომ გვეჩხუბებით ეგ ვერ გავიგე, ჩვენ რატომ გვსაყვედუროთ ეგ ვერ გავიგე, ამ ბრძანებისგან რა გინდათ ეგ ვერ გავიგე.გაუმჯობესება გინდათ? კიბატონო, თანახმა ვარ.თუკი პარლამენტი ჩვენგან ითხოვს უკანონო მოქმედებას, ბოდიშს ვიხდი, მე ამას ვერ მივიღებ",-განაცხადა გარემოს დაცვის მინისტრმა გიგლა აგულაშვილმა.