„თქვენო უწმინდესობავ, უნდა იცოდეთ, რომ ყოველთვის თქვენი ქვეყნის გვერდით ვიქნებით“, - ასე მიმართა ბელარუსის რესპუბლიკის პრეზიდენტმა ალექსანდრე ლუკაშენკომ საქართველოს პატრიარქს ილია მეორეს საპატრიარქოში ვიზიტის დროს.

როგორც ლუკაშენკომ შეხვედრისას აღნიშნა, ქართველ და ბელარუს ხალხს შორის ყოველთვის ძალიან თბილი ურთიერთობები იყო.

"თქვენ ნამდვილად ხართ ჩვენი ჭეშმარიტი ძმები. ჩვენ არ ვართ უცხოები. ძალიან ბევრს მივაღწიეთ ბოლო 2-3 წლის განმავლობაში. მახსოვს ის სიტყვები, რომელიც პირველად მითხარით - "დიდხანს გელოდითო". ჩემთვის სასიხარულოა, ის ფაქტი, რომ ამ შეხვედრისთვის დრო გამონახეთ და თქვენი ნახვის შესაძლებლობა ისევ მომეცა. პირობას გაძლევთ, რომ თქვენს შეუდარებელ ქვეყანაში რაც შეიძლება ხშირად ჩამოვალ. თქვენ ძალიან პატივცემული ადამიანი ხართ არა მხოლოდ  საქართველოში, არამედ მთელ მართლმადიდებლურ სამყაროში. მინდა გადმოგცეთ მოკითხვა, ჩვენი პატრიარქისგან და სხვა სასულიერო პირებისგან", - განაცხადა ლუკაშენკომ და საქართველო-ბელარუსს შორის მიღწეულ წარმატებებზეც ისაუბრა.

ბელარუსის პრეზიდენტმა ასევე საქართველო-რუსეთის ურთიერთობებსაც გაუსვა ხაზი და დასძინა, რომ ნებისმიერი კონფლიქტი მშვიდობიანი გზით უნდა მოგვარდეს.

მანვე აღნიშნა, რომ ბელარუსი მხარს უჭერს საქართველოს ტერიტორიულ მთლიანობას.

"თქვენო უწმინდესობავ უნდა იცოდეთ, რომ ყოველთვის თქვენს გვერდით ვიქნებით. თქვენ აძლიერებთ სახელმწიფოს და ქართულმა ეკლესიამ სახელმწიფოებრიობის შენარჩუნებას შეუწყო ხელი. ასევე უნდა აღვნიშნო ქართულ-რუსული ურთიერთობები. ჩვენი მომხრე ვართ, ნებისმიერი კონფლიქტი მშვიდობიანი გზით მოგვარდეს. საქართველოს ხელისუფლებას ხშირად ვესაუბრებით ოკუპირებულ ტერიტორიებზე არსებულ ვითარებასთან დაკავშირებით. მიგვაჩნია, რომ მიუხედავად ყველანაირი უთანხმოებისა დიალოგი რუსულ მხარესთან საჭიროა. უნდა გვახსოვდეს, რომ ჩვენს უკან ხალხი დგას და მათ სურთ მეგობრობა და მშვიდობიანი ცხოვრება. ვუთხარი ჩემს კოლეგას, რომ რუსულ-ქართული კონფლიქტი ეს არ არის კონფლიქტი ხალხს შორის, ეს არის კონფლიქტი ხელისუფლებებს შორის. ორივე მხარემ ამბიციები გვერდზე უნდა გადადოს და საუბარი დაიწყოს", - მიმართა ალექსანდრე ლუკაშენკომ ილია მეორეს.

ავტორი: ,

სოციალური ქსელები

თიბისის მხარდაჭერით, თბილისში საერთაშორისო სტანდარტების ახალი მათემატიკური კონკურსი ტარდება

აბუ-დაბიში დაიწყო აშშ-უკრაინა-რუსეთის მოლაპარაკებების მორიგი რაუნდი

პაპუაშვილი – ბრიუსელი ცდილობს, დაბლოკოს საქართველოს ორმხრივი ურთიერთობები ევროკავშირის წევრ ქვეყნებთან

მხოლოდ 12 ნოემბერს, შეიძინე საბურავები „თეგეტა მოტორსში“ თიბისი განაწილებით და დაიბრუნე თანხის 50%