თბილისის მთავარ სამმართველოში „ქართული მარშის“ წევრებისთვის ბრალის წარდგენა მიმდინარეობს.

ადვოკატის ცირა ჯავახიშვილის განცხადებით, დაკავებულ პირებს სისხლის სამართლებრივი დანაშაული არ ჩაუდენიათ. მისივე განმარტებით, მათი მხრიდან, ყველაზე მეტი, ადმინისტრაციული გადაცდომა მოხდა.

„არ ველოდებოდი, რომ 239-ე მუხლით დაიწყებდნენ სისხლის სამართლებრივ დევნას, მაშინ, როცა ადმინისტრაციული წარმოება ჰქონდათ დაწყებული. ადმინისტრაციულმა კოლეგიამ განიხილა მათი სამართალდარღვევის საკითხი და ამ დროს უცებ, რატომღაც საქმის მწარმებელმა ორგანომ გადაიფიქრა, განაცხადა, რომ უტვინოები ვართ, შეგვეშალა. სინამდვილეში გვარამია იყო უკმაყოფილო იმით, რომ ეს პირები ადმინისტრაციულ პასუხისმგებლობაში იქნენ მიცემულნი და დაიწყეს სისხლის სამართლის დევნა. ამიტომ მიმაჩნია, რომ ეს წარმოება „რუსთავი 2"-ის ხელმძღვანელობის მიერ დაკვეთილი წარმოებაა“,- განაცხადა ცირა ჯავახიშვილმა.

ცნობისთვის, ბრალდების მხარე აღკვეთის ღონისძების სახით პატიმრობას მოითხოვს.

შეგახსენებთ, რომ ტელეკომპანია "რუსთავი 2"-ის შენობასთან 19 მარტს ადმინისტრაციული წესით „ქართული მარშის“ 6 წევრი დააკავეს, მათ შორს მარშის ერთ-ერთი ლიდერი ლადო სადღობელაშვილი. ის საქართველოს სისხლის სამართლის კოდექსის 239-ე მუხლის მე-2 ნაწილის „ა“ ქვეპუნქტით (ხულიგნობა წინასწარი შეთანხმებით ჯგუფის მიერ) არის დაკავებული.

„დანაშაული 2-დან 5 წლამდე თავისუფლების აღკვეთას ითვალისწინებს. ამავე საქმეზე სამართალდამცველების კითხვებს გუშინდელი დაპირისპირების მონაწილე პირები: მ.ა. ვ.ს. ი.დ. და გ.ო. ამ წუთებში პასუხობენ“, - ნათქვამია უწყების განცხადებაში.

ავტორი: ,

სოციალური ქსელები

საგარეო ევროკავშირს საკონსტიტუციო სასამართლოს ზეწოლაში და საქართველოს შიდა საქმეებში ჩარევაში ადანაშაულებს

შვილებს, მათ შორის, არასრულწლოვანს, მათივე ნების საწინააღმდეგოდ აიძულებდნენ ცოლად გაჰყოლოდნენ - პოლიციამ სამი პირი დააკავა თანასოფლელ მამაკაცებს

ბაზისბანკის მხარდაჭერით ფინანსური განათლების ეროვნული ჯილდო 2027 იწყება

ვენსი: უკრაინა „გარკვეული გაგებით“ პარტნიორია, მაგრამ მან უნდა შეწყვიტოს რუსეთის ნავთობგადამამუშავებელი ქარხნების დარტყმა