პარლამენტის ოურიდიულ საკითხთა კომიტეტის სხდომაზე, "ორგანიზებული დანაშაულისა და რეკეტის შესახებ" კანონპროექტს პირველი მოსმენით განიხილავენ. მომხსენებელი შინაგან საქმეთა მინისტრის მოადგილე ნათია მეზვრიშვილია.

კანონპროექტის განხილვა დაგვიანებით დაიწყო, ვინაიდან საპარლამენტო უმრავლესობის წევრები სხდომის საჯაროობასთან დაკავშირებით ვერ შეთანხმდნენ. უმრავლესობის რამდენიმე დეპუტატი, მათ შორის ვანო ზარდიაშვილი, დავით მათიკაშვილი და ანრი ოხანაშვილი სხდომის დახურვას ითხოვდნენ.მათი შეფასებით, საუბარი შეეხებოდა კონკრეტულ საქმეებს, რომელთა გასაჯაროვებაც მიზანშეწონილი არ იქნებოდა. კანონპროექტის წარმომდგენი-შსს-ს მხარეც მიიჩნევდა, რომ სხდომა დახურულ ფორმატში უნდა ჩატარებულიყო. ნათია მეზვრიშვილის განცხადებით, საუბარი გასცდებოდა პრინციპების  დონეს და შინაარსობრივ მხარეზე ღიად საუბარი საჭიროდ არ მიაჩნდა.

სხდომის დახურვას კატეგორიულად ეწინააღმდეგებოდნენ კომიტეტის თავმჯდომარე ეკა ბესელია და მისი მოადგილე გედევან ფოფხაძე. მათი თქმით, დეპუტატებს შეეძლოთ, არ ეთქვათ ის, რისი გამჟღავნებაც ეწინააღმდეგება სახელმწიფო ინტერესებს. ბესელიას განცხადებით, კანონპროექტის განხილვის დახურვა უარყოფით შეფასებებს გამოიწვევდა.

სხდომის დახურვას შეეწინააღმდეგა ახალგაზრდა იურისტთა ასოციაციის იურისტიც, რომელმაც უმრავლესობის წევრებს შეახსენა, რომ საქართველო ღია მმართველობის პარტნიორიბის თავმჯდომარე ქვეყანაა. მისივე თქმით, მმართველ გუნდს შეეძლო უფრო სიღრმისეულად შსს-სგან ინფორმაცია სხვა ფორმატში მიეღო.

საბოლოოდ საკითხი კენჭისყრაზე დადგა. 8 ხმა იყო საჭირო სხდომის დასახურად, თუმცა  კომიტეტის წევრი 6 დეპუტატი აღმოჩნდა მომხრე. შესაბამისად, სხდომა ღია რეჟიმში მიმდინარეობს.

ვანო ზარდიაშვილმა, დავით მათიკაშვილმა, ანრი ოხანაშვილმა და კომიტეტის დახურვის მსურველმა რამდენიმე დეპუტატმა სხდომათა დარბაზი დატოვა. ისინი, მოგვიანებით,  კანონპროექტის განხილვის ბოლოს დაბრუნდნენ.

ავტორი: ,

სოციალური ქსელები

თიბისის მხარდაჭერით, თბილისში საერთაშორისო სტანდარტების ახალი მათემატიკური კონკურსი ტარდება

აბუ-დაბიში დაიწყო აშშ-უკრაინა-რუსეთის მოლაპარაკებების მორიგი რაუნდი

პაპუაშვილი – ბრიუსელი ცდილობს, დაბლოკოს საქართველოს ორმხრივი ურთიერთობები ევროკავშირის წევრ ქვეყნებთან

მხოლოდ 12 ნოემბერს, შეიძინე საბურავები „თეგეტა მოტორსში“ თიბისი განაწილებით და დაიბრუნე თანხის 50%