საპარლამენტო უმრავლესობის წევრი ლევან ბერძენიშვილი მიიჩნევს, რომ სასკოლო ასაკთან დაკავშირებით უკომპრომისო გადაწყვეტილება უნდა იყოს მიღებული. 
ამის შესახებ მან „ზოგადი განათლების შესახებ“ კანონთან დაკავშირებით განაცხადა. 
ბერძენიშვილის შეფასებით, სასკოლო ასაკთან დაკავშირებით ცვლილებას აზრი არ აქვს, თუმცა, დეპუტატის თქმით, თუ კონკრეტული ბავშვი განვითარებით სხვებს უსწრებს, მაშინ გამონაკლისის დაშვება უნდა იყოს შესაძლებელი. 
“ბავშვის სასკოლო ასაკთან დაკავშირებით ერთი თარიღი უნდა იყოს დასახელებული.  ვიღაც იტყვის დეკემბერს, სხვა იტყვის პირველ იანვარს დაბადებულმა რა დააშავა და ა.შ.  ჩვეულებრივ, ნორმალურ ქვეყნებში აცხადებენ თარიღს და ისე შედიან სკოლაში. მაგრამ, თუ ბავშვი სხვებს განვითარებით ძალიან უსწრებს, მომხრე ვარ მას ინდივიდუალურად მივუდგეთ. პირადად მე  კამათის სერიოზულ საფუძველს ვერ ვხედავ. თარიღის დეკემბრამდე გადაწევას არავითარი აზრი არ აქვს, რადგან ვერ ვნახავთ კომპრომისს, აქ უნდა იყოს უკომპრომისო გადაწყვეტილება“, - აღნიშნა ბერძენიშვილმა. 
ცნობისთვის, პარლამენტში   „ნაციონალური მოძრაობის“ წევრის კობა სუბელიანის მიერ ინიცირებულ „ზოგადი განათლების შესახებ“ კანონპროექტს კენჭს თავიდან უყრიან. 
პროექტის თანახმად, ბავშვს, რომელსაც 6 წელი 31 დეკემბრამდე უსრულდება, სკოლაში შესვლის საშუალება ექნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი იმედოვნებს, რომ უკრაინასა და რუსეთს შორის ცეცხლის შეწყვეტის შეთანხმება 11 მაისის შემდეგ გაგრძელდება

9 მაისი ევროპის დღეა - ექსპო-ჯორჯიაში ევროკავშირის 27 წევრი ქვეყნა გამოფენებებს აწყობს

აშშ-მ სანქციები დაუწესა იმ ფიზიკურ და იურიდიულ პირებს, რომლებიც ირანს „შაჰედის“ წარმოებაში ეხმარებიან

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია