თბილისის მერიამ იპოდრომის მიმდებარე ტერიტორია უნდა გამოისყიდოს, - ამის შესახებ ჟურნალისტებს საკრებულოს დამოუკიდებელმა დეპუტატმა ალეკო ელისაშვილმა გარემოს დაცვისა და ურბანული დაგეგმარების კომისიების გაერთიანებული სხდომის დასრულების შემდეგ განუცხადა, სადაც იპოდრომის მიმდებარე ტერიტორიაზე, თამარაშვილის ქუჩაზე  კორპუსების განაშენიანების რეგულირების გეგმის დამტკიცების საკითხს განიხილავდნენ.
ელისაშვილის თქმით, მწვანე საფარის გადასარჩენად ან ტერიტორიის გამოსყიდვა უნდა მოხდეს, ან მშენებლობის ადგილმონაცვლეობა უნდა განხორციელდეს.
„ამ ტერიტორის გამოსყიდვა უნდა მოხდეს. ეს არის მზა სკვერი, რეკრეაციული სივრცე, რომელიც დანაშაულებრივად გაიყიდა. მერიამ, რომელსაც თავზესაყრელი ფული აქვს და ვერ ხარჯავს, უნდა გამოისყიდოს და მას რეკრეაციული ზონის სტატუსი უნდა მიანიჭოს. საჭირო თანხა არქიტექტურის სამსახურმა უნდა დათვალოს, სულ 11 ნაკვეთია. დეველოპერები არ უნდა კარნახობდნენ ქალაქს, თუ რა უნდა კეთდებოდეს, პირიქით უნდა ხდებოდეს“, - განაცხადა ალეკო ელისაშვილმა.
მისივე თქმით, 27 აპრილს იპოდრომის მიმდებარე ტერიტორიაზე 12 ხე მოიჭრა, 30 ხის მოჭრაზე  კი ნებართვა იყო გაცემული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი იმედოვნებს, რომ უკრაინასა და რუსეთს შორის ცეცხლის შეწყვეტის შეთანხმება 11 მაისის შემდეგ გაგრძელდება

9 მაისი ევროპის დღეა - ექსპო-ჯორჯიაში ევროკავშირის 27 წევრი ქვეყნა გამოფენებებს აწყობს

აშშ-მ სანქციები დაუწესა იმ ფიზიკურ და იურიდიულ პირებს, რომლებიც ირანს „შაჰედის“ წარმოებაში ეხმარებიან

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია