ბრიუსელში საქართველოს პრეზიდენტის სამუშაო ვიზიტის ფარგლებში გიორგი მარგველაშვილი განათლების კულტურის, ახალგაზრდობისა და სპორტის საკითხებში ევროკომისარს ტიბორ ნავრაჩიჩს შეხვდა.

ევროკომისიაში გამართული მოლაპარაკებებისას ქართულმა მხარემ ხაზი გაუსვა საქართველოსთვის განათლების სფეროს აქტუალობას, ევროკავშირის სტანდარტებთან და განათლების ხარისხთან დაახლოების მისწრაფებას. ამ მხრივ აღინიშნა, ევროკომისიისა და საქართველოს ხელისუფლების თანამშრომლობის პოზიტიური დინამიკა და პროგრესი ურთიერთობებში, მათ შორის, სექტორული ინტეგრაციის გაღრმავების კუთხით.

აღინიშნა, რომ განათლება ქვეყნის შიგნით ერთ-ერთი ძირითადი პრიორიტეტია და საქართველო დაინტერესებულია, გააღრმავოს თანამშრომლობა ევროკავშირთან ამ სფეროში.

საქართველოს პრეზიდენტი მიესალმა თბილისში ევროპული სკოლის დაფუძნებას, როგორც ევროკავშირთან ინტეგრაციის კიდევ ერთ ხელშესახებ შედეგს, რომელიც საშუალებას აძლევს ახალგაზრდა თაობას, არამარტო საქართველოდან, არამედ პარტნიორი ქვეყნებიდან, რომ ევროპული ხარისხის განათლება მიიღოს.

გიორგი მარგველაშვილმა აღნიშნა ევროკავშირის მნიშვნელოვანი წვლილი პროფესიული განათლების სექტორში რეფორმების მხარდაჭერისას.

მხარეებმა ასევე ხაზი გაუსვეს ევროკავშირის პროგრამაში ERASMUS+ საქართველოს წარმატებულ აქტივობას. საქართველოს პრეზიდენტი მიესალმა დაფინანსების სპეციალური ფანჯრის გახსნას, რომლის ფონდი 6 მილიონი ევრო იქნება, რაც საქართველოს პროგრამაში მეტი პოტენციალის გამოვლენის შესაძლებლობას მისცემს.

ავტორი: ,

სოციალური ქსელები

თიბისის მხარდაჭერით, თბილისში საერთაშორისო სტანდარტების ახალი მათემატიკური კონკურსი ტარდება

აბუ-დაბიში დაიწყო აშშ-უკრაინა-რუსეთის მოლაპარაკებების მორიგი რაუნდი

პაპუაშვილი – ბრიუსელი ცდილობს, დაბლოკოს საქართველოს ორმხრივი ურთიერთობები ევროკავშირის წევრ ქვეყნებთან

მხოლოდ 12 ნოემბერს, შეიძინე საბურავები „თეგეტა მოტორსში“ თიბისი განაწილებით და დაიბრუნე თანხის 50%