„კარგია რომ რეზოლუციის განხილვა გადაიდო, რადგან იმ შინაარსით, რა შინაარსითაც არის უკვე განსახილველად შემოსული, ჩვენი პოლიტიკური ძალა მხარს  ვერ დაუჭერს“,- ამის შესახებ „პატრიოტთა ალიანის“ წევრმა ადა მარშანიამ, პარლამენტის პლენარულ სხდომაზე განაცხადა.

მისი თქმით, არჩილ ტატუნაშვილის მკვლელობაში დამნაშავე აუცლებლად უნდა დაისაჯოს. 

„დამნაშავე უნდა დაისაჯოს და მან უნდა იცოდეს, რომ ეს დასჯა იქნება აუცილებელი და გარდაუვალი.  ეს უნდა მოხდეს მსგავსად ისრაელის მეთოდებისა. ეს არის და იქნება კონკრეტული საქმე, კონკრეტული პოლიტიკა და არა უსასრულო ჩვენი უსუსური  და უპასუხიმგებლო განცხადებები, რომ დავგმოთ, დავგმოთ და დავგმოთ.  25 წელია ვგმობთ, იმას რაც ხდება ოკუპირებულ ტერიტორიებზე. იმის დაფიქსირება სამარცხვინოა, რომ ამ გვერდებზე 8 ჩამონათვალია იმისა, თუ რა არ შეგვიძლია ჩვენ, რომ არ შეგვიძლია არაფერი. როდემდე ვიცხოვროთ და როდემდე ვიმოღვაწეოთ ასე?!  ძალიან კარგად მესმის რომ ჩვენ ჩასაფრებულად გვისმენს, როგორც სოხუმი ისე ცხინვალი.  ამიტომ მინდა განვაცხადო, ჩვენ არ ვებრძვით ოსებს  ჩვენ არ ვებრძვით აფხაზებს, ჩვენ ვებრძვით დამნაშავეებს, მკვლელებს, რომლებსაც  ეროვნება არა აქვთ.  ის ოსი სამხედრო სტრუქტურის თანამშრომელი, რომელმაც მოკლა არჩილ ტატუნაშვილი, მოკლავს აფხაზსაც, ოსსაც, რუსსაც და სხვა ნებისმიერი ეროვნების ადამიანს.  ყველა სიტყვას უნდა დავუკვირდეთ, იმისათვის რომ უფსკრული სოხუმს, ცხინვალს და თბილის შორის  კი არ გაიზარდოს, არამედ შემცირდეს“, - განაცხადა მარშანიამ.

მისივე განცხადებით, მოსკოვთან, ცხინვალთან და სოხუმთან პირდაპირი დიალოგია საჭირო.

„მთელი ცხინვალი გარეთ გამოვიდა გუშინ,  ის რომ 2 თვის წინ მთელი სოხუმი იყო გარეთ,  ეს ყველაფერი კიდევ ერთხელ და მკაფიოდ მეტყველებს იმაზე, რომ პირდაპირი დიალოგი მოსკოვთან, სოხუმთან, ცხინვალთან აუცილებელია. ყველა ფორმით, ყველა დონეზე გვჭირდება ეს ჩვენ ჰაერივით.  მე მინდა მივმართო აფხაზ და ოს საზოგადოებას, ჩვენ ქართულ საზოგადოებას, ჩვენ თავად უნდა ვიყოთ ძალიან მოწადინებულნი  იმისთვის, რომ  ნებისმიერი დამნაშავე იყოს  დასჯილი“, - განაცხადა ადა მარშანიამ.

ავტორი: ,

სოციალური ქსელები

„ცისფერი მთებივით“ ვეღარ გაურკვევიათ, აქ არიან, თუ იქ - პაპუაშვილი ენმ-ზე

პაპუაშვილი - რუბიო არც კი ხვდება კაია კალასს, ასეთი უმწიფარი საგარეო პოლიტიკა რომ აქვს ევროკავშირს

საქართველოს ბანკის და კომაროვის ყველაზე მასშტაბური STEM ოლიმპიადის გამარჯვებული ცნობილია

სი ძინპინმა განაცხადა, რომ ჩინეთ-ჩრდილოეთ კორეის ურთიერთობები ახალ ისტორიულ ეტაპზე შევიდა