ჩუგოშვილი: მოქალაქეებმა უვიზო მიმოსვლის ბოროტად გამოყენება უნდა შეწყვიტონ

2018-03-06 12:02:05, 1509 ნახვა

კომენტარი

„თუკი ბოროტად ვისარგებლებთ იმ ძალიან დიდი მიღწევით, რომელიც საქართველომ მიიღო გასულ წელს, შესაძლებელია, მთელ ქვეყანას შევუქმნათ პრობლემები“, - ამის შესახებ პარლამენტის ვიცე-სპიკერმა თამარ ჩუგოშვილმა განაცხადა.

როგორც მან აღნიშნა, აუცილებელია, ამ საკითხს ყველა მოქალაქე პასუხისმგებლობით მოეკიდოს.

“მე არ მგონია, რომ ჩვენ უნდა ველოდოთ შეჩერების მექანიზმის ამოქმედებას, თუმცა ძალიან მნიშვნელოვანია ის, რომ ჩვენი მოქალაქეები პატივისცემით ეკიდებოდნენ იმ შეთანხმებას, რომელიც საქართველოს აქვს ევროკავშირთან. ჩვენ თუკი ბოროტად ვისარგებლებთ იმ ძალიან დიდი მიღწევით, რომელიც საქართველომ მიიღო გასულ წელს, შესაძლებელია, მთელ ქვეყანას შევუქმნათ პრობლემები. ასე რომ იმედი მაქვს, რომ ამას ყველა მოქალაქე პასუხისმგებლობით მოეკიდება. მე არ მგონია, რომ შეჩერების მექანიზმის ამოქმედების საფრთხის წინაშე ვდგავართ, მაგრამ მოქალაქეებმა უნდა შეწყვიტონ უვიზო მიმოსვლის ბოროტად გამოყენება“, - განაცხადა ჩუგოშვილმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები