საქართველოს იუსტიციის მინისტრი თეა წულუკიანი მუსტაფა ემრე ჩაბუქის საქმეზე უწყებისადმი გაეროს კომიტეტის მომართვას ეხმაურება, სადაც ნათქვამია, რომ არ მოხდეს ჩაბუქის ექსტრადირება მანამ, სანამ კომიტეტი მის საქმეს  არ განიხილავს.

როგორც წულუკიანმა ჟურნალისტეს განუცხადა, რაკი ჩაბუქის საქმეს თბილისის საქალაქო სასამართლო იხილავს, გაეროს კომიტეტის წერილის თაობაზე გუშინ იუსტიციის უმაღლეს საბჭოსა და პროკურატურის საერთაშორისო ურთიერთობების დეპარტამენტს შეატყობინეს.

„იუსტიციის სამინისტროში მოქმედებს სახელმწიფო წარმომადგენლობის სამსახურები საერთაშორისო სასამართლოში და საერთაშორისო ადამიანის უფლებათა დაცვის ორგანოებში, როგორიც არის ასევე გაეროს წამების წინააღმდეგ კომიტეტი. კომიტეტმა ჩვენ შეგვატყობინა, რომ მათ გამოსცეს გადაწყვეტილება, რომლითაც საქართველოს სახელმწიფოს და მის სტრუქტურებს ეთხოვათ, მანამ, სანამ თავად არ განიხილავენ თურქეთის მოქალაქე მუსტაფა ემრე ჩაბუქის საქმეს, თავი შეიკავოს საქართველომ მისი ექსტრადირებისგან. რაკი თბილისის საქალაქო სასამართლო იხილავს ამ საქმეს, ჩვენ გუშინ უკვე შევატყობინეთ იუსტიციის უმაღლეს საბჭოს და ასევე პროკურატურის საერთაშორისო ურთიერთობების დეპარტამენტს ამ წერილის შესახებ. ამ ეტაპზე სულ ეს არის. დანარჩენი კიდევ ერთხელ მინდა ხაზი გავუსვა, სასამართლო თავისივე დამოუკიდებლობის ფარგლებში და საქმის მასალებიდან გამომდინარე, მიიღებს იმ გადაწყვეტილებას, რომელსაც ჩათვლის საჭიროდ“, - განაცხადა თეა წულუკიანმა.

ავტორი: ,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს