თურქეთში სამუშაო ვიზიტის ფარგლებში, საქართველოს ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი თურქეთის ვიცე-პრემიერს, მეჰმეტ შიმშეკს შეხვდა.

შეხვედრას ასევე დაესწრნენ საქართველოს ეკონომიკისა და მდგრადი განვითარების მინისტრის მოადგილე გენადი არველაძე, ეროვნული ბანკის ვიცე-პრეზიდენტი არჩილ მესტვირიშვილი და საქართველოს ელჩი თურქეთში ირაკლი კოპლატაძე.

შეხვედრაზე მხარეებმა ერთმანეთს მიაწოდეს ინფორმაცია ქვეყნებში არსებული ეკონომიკური პროცესებისა და მიმდინარე სტრუქტურული რეფორმების შესახებ.

აღინიშნა, რომ საქართველოს ეკონომიკურ მდგომარეობაზე გავლენას ახდენს მის ძირითად სავაჭრო პარტნიორების, მით უფრო თურქეთის ეკონომიკაში მიმდინარე პროცესები. შეხვედრაზე ხაზი გაესვა თანამშრომლობის გაღრმავების აუცილებლობას ორი ქვეყნის მონეტარული პოლიტიკის განხორციელებაზე პასუხისმგებელ უწყებებს შორის.

გარდა ამისა, დიმიტრი ქუმსიშვილმა და მეჰმეტ შიმშეკმა გაცვალეს ინფორმაცია ორივე ქვეყანაში არსებული ფისკალური პროცესებისა და ამ მიმართულებით დაგეგმილი რეფორმების შესახებ.

ასევე ყურადღება გამახვილდა საქართველოს, თურქეთსა და ევროკავშირს შორის დიაგონალური კუმულაციის შეთანხმების ასამოქმედებლად საჭირო ოფიციალური პროცედურების თურქეთის მხრიდან დროული დასრულების აუცილებლობის შესახებ, რომელიც საქართველოს ექსპორტის გაზრდის შესაძლებლობას მისცემს.

ასევე ხაზი გაესვა საქართველოს პირველი ვიცე-პრემიერის თურქეთში ვიზიტისას გამართული მოლაპარაკებების მნიშვნელოვან შედეგებს თავისუფალი ვაჭრობის შეთანხმების გაფართოების შესახებ, რომელიც საშუალებას იძლევა თურქეთის ბაზარზე გარკვეული ცხოველური წარმოშობის პროდუქცია კვოტების ფარგლებში და გაუქმებული ტარიფებით შევიდეს.

შეხვედრის დასასრულს, მხარეები შეთანხმდნენ, რომ ხელს შეუწყობენ საქართველოსა და თურქეთს შორის სავაჭრო-ეკონომიკური კავშირების გამყარებას, ბიზნეს წრეების დაახლოებასა და რეგიონალურ პროექტებში თანამშრომლობის განვითარებას. 

(NS)

ავტორი: ,

სოციალური ქსელები

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს