განათლებისა და მეცნიერების სამინისტრო ერთ-ერთი ტელეკომპანიით, გავრცელებულ ინფორმაციას ეხმაურება, რომელიც  უწყებაში ფინანსური აუდიტის მიმდინარეობას ეხება და  რომელსაც სახელმწიფო აუდიტის სამსახური ახორციელებს იმისათვის, რომ პარლამენტს წარუდგინოს.  
სამინისტროში განმარტავენ, რომ სახელმწიფო აუდიტის მიერ წარმოდგენილ ანგარიშის პროექტში არანაირ კანონთან შეუსაბამო ქმედებაზე საუბარი არ არის.
ამასთან, უწყებაში აღნიშნავენ, რომ ამ ეტაპზე სახელმწიფო აუდიტს წარმოდგენილი აქვს მხოლოდ ბიუჯეტის შესრულების ანგარიშის პროექტი და მასზე დაყრდნობით რაიმე დასკვნის გაკეთება არამართებულია.
ამასთან, უწყებაში აღნიშნავენ, რომ ამ ეტაპზე სახელმწიფო აუდიტს წარმოდგენილი აქვს მხოლოდ ბიუჯეტის შესრულების ანგარიშის პროექტი და მასზე დაყრდნობით რაიმე დასკვნის გაკეთება არამართებულია.
 "სამინისტრომ ყველა კითხვაზე წარადგინა დასაბუთებული არგუმენტი  და ანგარიშზე ოფიციალურ კომენტარს მას შემდეგ გააკეთებს, რაც სახელმწიფო აუდიტის სამსახური ანგარიშის საბოლოო ვერსიას პარლამენტს წარუდგენს. აღსანიშნავია, რომ ამ ეტაპზე სახელმწიფო აუდიტს წარმოდგენილი აქვს მხოლოდ ბიუჯეტის შესრულების ანგარიშის პროექტი, რომელიც სამინისტროში გამოიგზავნა იმისათვის, რომ მათ მიერ დასმულ კითხვებზე  სამინისტროს მხრიდან მიეღოთ მოსაზრებები და არგუმენტები. ეს პროცესი ყველა სახელმწიფო უწყებაში მიმდინარეობს. ისმება კითხვები, რის შემდეგაც ორივე მხრიდან შეჯერებული არგუმენტების საფუძველზე დგება საბოლოო ანგარიში.  
ხაზგაგასმელია, რომ სახელმწიფო აუდიტის მხრიდან  ჩამონათვალი და მითითებები გასულ წელს გაცილებით მეტი იყო, მაგრამ სამუშაო პროცესში წარმოდგენილი დოკუმენტი დაიხვეწა და გასწორდა. ანალოგიური პროცესი მიმდინარეობს წელსაც.  შესაბამისად, მხოლოდ ამ მომენტისათვის არსებულ ინფორმაციაზე დაყრდნობით, რაიმე დასკვნის გაკეთება,   გაუმართლებელია.  როგორც აღვნიშნეთ, არსებული დოკუმენტი არ წარმოადგენს იმ სახის ინფორმაციას, რომლის გასაჯაროებაც იძლეოდა რეალურ სურათს.  შესაბამისად, ტელეკომპანიის მიერ გამოყენებული მასალა არ წარმოადგენდა ანგარიშის საბოლოო ვერსიას და არც საჯარო ინფორმაციას. სწორედ, ამიტომ აღნიშნული დოკუმენტის გასაჯაროება მიგვაჩნია არამართებულ ქმედებად",-აცხადებენ განათლების სამინისტროში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსთაველის გამზირზე მოასფალტების სამუშაოები დაიწყო

კახა კალაძე - საკონსტიტუციო სასამართლოს წარვუდგინეთ არგუმენტები, რომ კონკრეტული პარტიები ქვეყნის წინააღმდეგ მოქმედებენ

თვითმფრინავებზე ბომბის მუქარამ კვლავ იმოქმედა ევროპაში ათობით რეისზე

ხელოვნური ინტელექტის აქციების არჩევნების შემდგომმა ვარდნამ გლობალური ბაზრები მოიცვა