საქართველოს თავდაცვის მინისტრი თინა ხიდაშელი თურქეთის საგარეო საქმეთა მინისტრს მხარდამჭერი განცხადების გამო, მადლობას უხდის.
ამის შესახებ ხიდაშელმა ჟურნალისტებს მთავრობის სხდომის დასრულების შემდეგ განუცხადა.
"ძალიან დიდი მადლობა  მინდა ვუთხრა თურქეთის  საგარეო საქმეთა მინისტრს, ის ჩემი კოლეგა იყო საპარლამენტო ასამბლეაში  და განსაკუთრებით მადლიერი ვარ მისი  ამ განცხადებისთვის. ძალიან მნიშვნელოვანია  ნატოს წევრი ქვეყნებისგან, ჩვენი ქვეყნის პარტნიორებისგან ასეთი ტიპის  ინიციატივები. ჩვენ ეს ოპტიმიზმის საფუძველს გვაძლებს, შესაბამისად ჩვენც ვმუშაობთ  და ბევრი დრო გვაქვს, წელიწადნახევარია  შემდეგ სამიტამდე. ამიტომ დაველოდოთ მოვლენების განვითარებას,  დინამიკას. ასეთი დასაწყისი ანტალიის სამიტიდან  რა თქმა უნდა  ჩვენთვის მნიშვნელოვანია. რამდენად რეალისტურია და  სადამდე შეიძლება ეს მივიდეს,  არ უთქვამს, რომ ნატოს წევრები გახდებიან ეს ქვეყნები. მან თქვა, რომ  უნდა ვიმოძრაოთ ამ მიმართულებით და უნდა გავხსნათ  კარი. ამის შესახებ  ნატოს და სხვა სახელმწიფოები  დიდი ხანია საუბრობენ, ამის შესახებ  გენერალური მდივანიც  საუბრობს.  სანამდე მივა ეს პროცესი,  ჩვენ ძალისხმევას არ დავაკლებთ. ჩვენი მისია არის,  აქტიურად ვიმუშაოთ და რაც შეიძლება  ფართო ნაბიჯებით ვიაროთ ნატოს-კენ.  ბუნებრივია ამ განცხადების ფონზე უკვე ივლისში თავდაცვის მინისტერიალზე  ჩვენ პირველი სერიოზული საუბარი გვექნება",-განაცხადა თინა ხიდაშელმა.

შეგახსენებთ, თურქეთის საგარეო საქმეთა მინისტრმა განაცხადა, რომ ნატო-ს მომდევნო სამიტის მიზანს საქართველოს, მაკედონიის, ბოსნიისა და მონტენეგროს ალიანსში გაწევრიანება უნდა წარმოადგენდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი იმედოვნებს, რომ უკრაინასა და რუსეთს შორის ცეცხლის შეწყვეტის შეთანხმება 11 მაისის შემდეგ გაგრძელდება

9 მაისი ევროპის დღეა - ექსპო-ჯორჯიაში ევროკავშირის 27 წევრი ქვეყნა გამოფენებებს აწყობს

აშშ-მ სანქციები დაუწესა იმ ფიზიკურ და იურიდიულ პირებს, რომლებიც ირანს „შაჰედის“ წარმოებაში ეხმარებიან

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია