ხადური: ბიუჯეტის კორექტირება კაპიტალური და სოციალური ხარჯების შემცირებას არ გამოიწვევს

2015-05-15 11:34:45, 740 ნახვა

ეკონომიკა

ფინანსთა მინისტრი ნოდარ ხადური სახელმწიფო ბიუჯეტის კორექტირებას არ გამორიცხავს.
თუმცა, როგორც მან ჟურნალისტებს განუცხადა, ბიუჯეტის ცვლილების შემთხვევაში, კაპიტალური და სოციალური ხარჯები არ შემცირდება.
„ეკონომიკის მინისტრმა და ჩვენ თებერვალში ვთქვით, რომ შესაძლებელია ბიუჯეტის კორექტირება. ჯერჯერობით ბიუჯეტი სრულდება გადაჭარბებით, თუმცა, ეს კონომიკური პროცესები, რომლებიც მიმდინარეობს გვაფიქრებინებს იმაზე, რომ ჩვენს პროგნოზებს გადავხედოთ. თუ პროგნოზები ოფიციალურად შეიცვლება, ამ შემთხვევაშ მოგვიწევს ბიუჯეტის კორექტირება, მაგრამ შესაძლებელია არ იყოს ხარჯების შემცირება. დარწმუნებით გეტყვით, რომ კაპიტალური და სოციალური ხარჯები არ შემცირდება. შესაძლებელია, ერთი ტიპის შემოსავალი, მეორე ტიპის შემოსავალმა ჩაანაცვლოს“, – აღნიშნა ხადურმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან