ინტერნეტში რუსეთში მომხდარი ავიაკატასტროფის კადრები გავრცელდა

2018-02-12 10:45:35, 2140 ნახვა

მსოფლიო

კერძო სახლის სათვალთვალო კამერამ რუსეთში მომხდარი ავიაკატასტროფა დააფიქსირა. ვიდეო Youtube-ზე გავრცელდა.

ვიდეოში Ан-148-ის ტიპის ლაინერის ჩამოვარდნის და აფეთქების კადრებია ასახული.

შეგახსენებთ, რომ გუშინ მოსკოვთან მომხდარ ავიაკატასტროფას 71 ადამიანის სიცოცხლე ემსხვერპლა.

„სარატოვის ავიახაზების“ კუთვნილი სამგზავრო ლაინერი ან-148 რადარებიდან დომოდედოვოს აეროპორტიდან აფრენის შემდეგ მალევე გაუჩინარდა.

ადგილზე მაშველების ორი „მი-8“ ტიპის ვერტმფრენი გაემგზავრა. აღმოჩენილია თვითმფრინავის ნარჩენები. ადგილზე მისული მაშველების განცხადებით, თვითმფრინავის ნაწილები, დაახლოებით, ერთი კილომეტრის მონაკვეთზეა გაფანტული.

ბორტზე 65 მგზავრი და ექვსი ეკიპაჟის წევრი იმყოფებოდა. ყველა მათგანი დაიღუპა.

12 თებერვალი რუსეთში გლოვის დღედ გამოცხადდა.