უკრაინის გენერალური პროკურორის იური ლუცენკოს ინფორმაციით, თუ საქართველოს ყოფილ პრეზიდენტ მიხეილ სააკაშვილს ქვეყანაში პოლიტიკურ თავშესაფარზე უარს ეტყვიან, ის ნებაყოფლობით ან იძულებით  დეპორტაციას დაექვემდებარება.

ლუცენკოს განცხადებას ТСН ავრცელებს.

"თუ სასამართლო დაადგენს, რომ მას უკრაინაში პოლიტიკური თავშესაფრის უფლება არ აქვს, მისთვის რამდენიმე შესაძლებლობა არსებობს. პირველი - ნებაყოფლობითი დაბრუნება მის მიერ შერჩეულ ნებისმიერ ქვეყანაში, მაგალითად ჰოლანდიაში, სადაც მისი ოჯახი ცხოვრობს. ჰოლანდიაში დაადასტურეს მზაობა მიიღონ ის ოჯახის გაერთიანების პროგრამის Family Union ფარგლებში. მეორე - ნებაყოფლობითი ან იძულებითი დეპორტაცია მის მიერ შერჩეულ ნებისმიერ ქვეყანაში, ან იმ ქვეყანაში, საიდანაც ის უკრაინაში არალეგალურად გადმოვიდა - ანუ პოლონეთში. მესამე ვარიანტი - ექსტრადირება საქართველოში ქვეყნის მთავარი პროკურატურის მოთხოვნის საფუძველზე", - განაცხადა ლუცენკომ და დასძინა, რომ საქართველოში სააკაშვილის ექსტრადირება მის დაკავებას გულისხმობს.

"ექსტრადირებისთვის საჭიროა კიდევ რამდენიმე ხანგრძლივი სასამართლო პროცესის გავლა. მაგრამ, ჩვენ ამ მიმართულებით მივდივართ. უკრაინამ ხელი მოაწერა შესაბამის საერთაშორისო ვალდებულებებს, მათ შორის საქართველოს წინაშე. ჩემთვის ეს ძალიან რთული გადაწყვეტილება იქნება, ვინაიდან მიხეილ სააკაშვილის საქართველოში ექსტრადირება მის დაპატიმრებას ნიშნავს. გულწრფელად ვამბობ, არ მსურს მისი ქართულ ციხეში გაგზავნა“, - აღნიშნა იური ლუცენკომ.

ავტორი: ,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა