ხორავას ქუჩაზე მოზარდების მკვლელობის საქმის არსებითი განხილვა გრძელდება.

დღევანდელ პროცესზე ბრალდების მხარის მიერ წარდგენილი მტკიცებულებების გამოკვლევა მოხდება. დღესვე დაიწყება პროკურატურის მოწმეთა დაკითხვა, თუმცა პროკურორი მათ ვინაობას საიდუმლოდ ტოვებს. ზვიად ფხაკაძეს  მიაჩნია, რომ მოწმეთა ვინაობის გამჟღავნებამ შესაძლოა, ნეგატიურად იმოქმედოს საქმის მსვლელობაზე.

სავარაუდოდ, სასამართლოს წინაშე ის  არასრულწლოვნები დაიკითხებიან, რომლებიც შემთხვევის დღეს ხორავას ქუჩაზე იმყოფებოდნენ. საქალაქო სასამართლოში, სხდომათა დარბაზთან  იმყოფება ერთ-ერთი  გარდაცვლილის  მამაც. არ არის გამორიცხული, დასაკითხად დღეს ისიც გამოიძახონ.

ერთ-ერთი ბრალდებულის გ.ჯ.-ს ადვოკატის ტარიელ კაკაბაძის განცხადებით, საქმეზე არ არის სრულყოფილი გამოძიება ჩატარებული. მისივე თქმით, გამოძიება თავიდანვე არასწორი მიმართულებით წარიმართა.

 „დარწმუნებული ვარ, სასამართლო ამას აუცილებლად დაინახავს“,-დასძინა ტარიელ კაკაბაძემ.

შეგახსენებთ,  პირველ დეკემბერს, თბილისში, ხორავას ქუჩაზე არასრულწლოვნებს შორის ურთიერთშელაპარაკების შედეგად ორი მოზარდი მოკლეს.

ერთი მათგანი საავადმყოფოში მიყვანამდე გზაში გარდაიცვალა, ხოლო მეორე მოზარდი- ინციდენტიდან მეორე დღეს დაიღუპა.

მკლელობის ბრალდებით ორი არასრულწლოვანია დაპატიმრებული, 5 პირი კი, დანაშაულის შეუტყობინებლობისთვის პასუხისგებაში მიეცა. 

ავტორი: ,

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს