შინაგან საქმეთა სამინისტრო მეტროსადგურ „თავისუფლების მოედანზე“ მომხდარ ინციდენტთან დაკავშირებით განმარტებას აკეთებს. როგორც მინისტრის მოადგილე ნათია მეზვრიშვილმა დღევანდელ ბრიფინგზე განაცხადა,  სოციალური ქსელის მეშვეობით გავრცელებულ ვიდეომასალაში მხოლოდ  საპატრულო პოლიციის მიერ ორი მოქალაქის  დაკავებაა ასახული. მისივე თქმით, აღნიშნულს წინ უძღოდა  პოლიციის მიერ მასზე კანონით დაკისრებული მოვალეობის შესრულებაში ხელის შეშლა, პოლიციისადმი დაუმორჩილებლობა და მათი შეურაცხყოფა:

„2018 წლის 28 იანვარს მეტროსადგურ „თავისუფლების მოედანთან“ შეკრებილ ახალგაზრდებს შორის მოხდა კონფლიქტი. საპატრულო ეკიპაჟის მისვლისას კონფლიქტში მონაწილე რამდენიმე ახალგაზრდა გაიქცა მეტროპოლიტენის მიმართულებით. პატრუ-ინსპექტორის თანამშრომლებმა შეაჩერეს ისინი იდენტიფიცირების მიზნით. ამ დროს, როცა პოლიცია ასრულებდა კანონით მათზე დაკისრებულ მოვალეობას და ახდენდა ახალგაზრდების იდენტიფიცირებას, ხაზგასმით აღვნიშნავ,  ასრულებდა პოლიცია მასზე კანონით დაკისრებულ მოვალეობას, საპირისპირო მხარეს მოძრავი ესკალატორიდან ორი პირი-1992 და 1982 წელს დაბადებული პირები, რომლებსაც არანაირი კავშირი ახალგაზრდების შეჩერების პროცესთან არ ჰქონიათ, გამოესარჩლენ პოლიციის მიერ კანონიერად შეჩერებულ ახალგაზრდებს, გააპროტესტეს   პოლიციელთა კანონიერი ქმედებები, საპატრულო პოლიციის თანამშრომლების მიმართ  გამოიჩინეს აგრესია, გადაიფურთხეს და მათ მიაყენეს სიტყვიერი შეურაცხყოფა. გამოესარჩლენ ახალგაზრდებს, რომლების შეჩერების პროცესთანაც არანაირი შეხება არ  ჰქონიათ.

ავტორი: ,

სოციალური ქსელები

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა