აშშ-ის ელჩი საქართველოში რიჩარდ ნორლანდი NDI–ის მიერ გამოქვეყნებული საზოგადოებრივი აზრის კვლევის შედეგებს გამოეხმაურა.
როგორც ნორლანდმა თემის კომენტირებისას ჟურნალისტებს განუცხადა, ჯერჯერობით კვლევის შედეგებს არ გაცნობია, თუმცა მისი თქმით, მოსახლეობის აზრის კვლევა ერთ-ერთი ინსტრუმენტია, რომელიც პოლიტიკურ პარტიებს განვითარების საშუალებას აძლევს.
ამასთან, აშშ-ის ელჩის თქმით, საყურადღებოა ისიც, რომ მაგალითად ინგლისში არჩევნების წინ ჩატარებული კვლევები სრულიად სხვა სურათს დებდნენ, განსხვავებით იმისგან, რაც არჩევნების შემდეგ იყო.
„მრავალი წლის განმავლობაში NDI, IRI და სხვა კვლევითი ორგანიზაციები საქართველოში მოსახლეობის აზრის კვლევას ატარებენ. მნიშვნელოვანია გავითვალისწინოთ, რომ ეს გახლავთ ერთ-ერთი ინსტრუმენტი, რომელიც პოლიტიკურ პარტიებს განვითარების საშულებას აძლევს. საინტერესოა შედეგების დეტალურად გაცნობა. ჯერ არ მქონია შესაძლებლობა, კვლევის შედეგებს სრულად გავცნობოდი. უნდა გვახსოვდეს, რომ ეს არის მხოლოდ ერთ-ერთი ინსტრუმენტი, რომელიც იძლევა შეფასების საშუალებას. ინგლისის მაგალითიც უნდა გვახსოვდეს, სადაც არჩევნების წინ ჩატარებული კვლევები სრულიად სხვა სურათს დებდნენ, განსხვავებით იმისგან, თუ რა ვიხილეთ არჩევნების შემდეგ. მნიშვნელოვანია ისიც, რომ საქართველოში ადამიანებს აღელვებთ ეკონომიკური მიმართულება. ფიქრობენ, როგორ უზრუნველყონ ეკონომიკური წინსვლა იმ პირობებში, როდესაც საქართველოში და არამხოლოდ, რეგიონშიც სხვა ქვეყნები ცდილობენ თავიანთი ეკონომიკა კარგ ფორმაში მოიყვანონ. ჩვენ ვთანამშრომლობთ საქართველოსთან“, - განაცხადა რიჩარდ ნორლანდმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს