ტერორიზმის დაფინანსების ბრალდებით დაკავებული ანატოლი ბერძენიშვილის ადვოკატის ინგა ბოლოთაურის განცხადებით, მისი დაცვის ქვეშ მყოფი ბრალს არ აღიარებს და დუმილის უფლებას იყენებს.

როგორც ადვოკატმა აღნიშნა, სასამართლო შესაძლოა, ხვალ გაიმართოს.

"შესაძლოა შუამდგომლობის წარმოდგენა სასამართლოში არც დაგვჭირდეს, გამომდინარე იქიდან, რომ აღკვეთი ღონისძიების თაობაზე განჩინება სასამართლომ 72 საათის განმავლობაში უნდა მიიღოს. შესაძლოა პროცესი ჩაინიშნოს არა დღეს, როგორც ამის ვარაუდი არსებობს, არამედ ხვალ 13:00 საათამდე. ჩემი დაცვის ქვეშ მყოფი ბრალს არ აღირებს და იყენებს დუმილის უფლებას. მარგოშვილის გარდა სხვა პირებთან კავშირის არ ადასტურებს", - განაცხადა ბოლოთაურმა.

ბრალდებულის კიდევ ერთი ადვოკატის მაია სირააძის ინფორმაციით, დაცვის მხარემ საქმის მთლიანი მასალები გუშინ მიიღო.

"სულ არის 19 ტომი და 56 დისკი. რა თქმა უნდა შეუძლებელი იყო ამ მასალებს ერთ დღეში გავცნობოდით. დღეს სავარაუდოდ ჩაინიშნება აღკვეთი ღონისძიება. მაგრამ ჩვენ მივმართავთ მოსამართლეს სასამართლო პროცესის გადადების მოთხოვნით", - მაია სირაძემ.

შეგახსენებთ, რომ სახელმწიფო უსაფრთხოების სამსახურის კონტრტერორისტულმა დეპარტამენტმა სასამართლოს განჩინების საფუძველზე, 22 იანვარს თბილისში, საქართველოს მოქალაქე ანატოლი ბერძენიშვილი დაააკავა. სუს-ის ინფორმაციით, გამოძიების ამ ეტაპზე  დადგენილია, რომ დაკავებული ანატოლი ბერძენიშვილი ჩავიდა თურქეთში ახმედ ჩატაევის და მისი დაჯგუფების წევრების დასახმარებლად. გამოძიება საქართველოს სსკ-ის 331- ე პრიმა მუხლის  მესამე ნაწილით მიმდინარეობს,რაც ტერორიზმის დაფინანსებას ,ტერორისტული საქმიანობის სხვაგვარ მატერიალურ მხარდაჭერას ან რესურსებით უზრუნველყოფას გულისხმობს,რამაც მძიმე შედეგი გამოიწვია. სასჯელის ზომად  17 დან 20 წლამდე  ვადით ან უვადო თავისუფლების აღკვეთას ითვალისწინებს“,-ნათქვამია სახელმწიფო უსაფრთხოების სამსახურის განცხადებაში.

ავტორი: ,

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის