2018-01-23 14:54:56, 5058 ნახვა
სამართალი
სასამართლომ „ბახალას“ 8 წლით თავისუფლების აღკვეთა მიუსაჯა
თბილისის საქალაქო სასამართლომ გიორგი გიორგანაშვილი, იგივე "ბახალა" დამნაშავედ სცნო.
გადაწყვეტილება მოსამართლე შორენა გუნცაძემ მიიღო.
გიორგანაშვილი სასამართლო დარბაზში დააპატიმრეს. მას 8 წლით თავისუფლების აღკვეთა მიესაჯა.
შეგახსენებთ, მსახიობი გიორგი გიორგანაშვილი დიდი ოდენობით ნარკოტიკული ნივთიერების, ბუპრენორფინის შენახვის ბრალდებით 2017 წლის იანვარში დააკავეს.იგი წინასწარი პატიმრობიდან 20 000 ლარიანი გირაოს სანაცვლოდ გათავისუფლდა. გიორგი გიორგანაშვილი ბრალს არ აღიარებს და ამბობს, რომ ნარკოტიკი ჩაუდეს.
![]()
ავტორი: ,
epn.ge (@expressnews.ge)
