საპარლამენტო უმრავლესობის წარმომადგენლები NDI-ის საზოგადოებრივი აზრის კვლევის პოლიტიკური ნაწილის შეფასებისას აცხადებენ, რომ გამოკითხვის შედეგები საგანგაშო არაა, თუმცა სტიმულია, რომ ხელისუფლებამ უკეთ იმუშაოს.  
ლევან ბერძენიშვილის განცხადებით, ფაქტია, რომ ყველაზე პოპულარული პოლიტიკური ძალა „ქართული ოცნებაა“, ხოლო ოპოზიციაში სერიოზულ ძალას  „ნაციონალური მოძრაობა“ წარმოადგენს.
„ინსტიტუტების მიმართ ნდობა ყოველთვის საინტერესოა. ყოველთვის როდესაც ქვეყანაში ეკონომიკური სიტუაცია უარესდება, ინსტიტუტებისადმი ნდობა იკლებს, ყოველთვის როდესაც ოდნავ გამოჯანსაღების ნიშნებია, ეს ნდობა იმატებს. ეს სიგნალია და სამუშაოა ამ კუთხით“, - აღნიშნა ლევან ბერძენიშვილმა.
პარლამენტის საფინანსო-საბიუჯეტო კომიტეტის თავმჯდომარის მოადგილე ნოდარ ებანოიძე კი აცხადებს, რომ NDI-ის კვლევებში შემაშფოთებელს ვერაფერს ვერ ხედავს.
„იმ მდგომარეობაში, რაც ახლაა განსაკუთრებით სავალუტო კრიზისის პერიოდში, ბუნებრივია, გარკვეული კორექტირებები გაკეთდებოდა ნდობასთან დაკავშირებით. ვერაფერს შემაშფოთებელს ვერ ვხედავ ამ ციფრებში, ერთ რამეს ვხედავ, რომ ასეთმა კვლევებმა და ზოგადად ასეთმა ინფორმაციამ უნდა მოგვცეს სტიმული, რომ უკეთ ვიმუშაოთ,“ - განაცხადა ნოდარ ებანოიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს