სამსონ ქუთათელაძის მკვლელობის საქმის გამოძიების ფარგლებში დაკავებული და მოგვიანებით გათავისუფლებული ყოფილი პროკურორის გიორგი ჭანტურიას ოჯახი სახალხო დამცველს მიმართავს. ჭანტურიას დის განცხადებით, შეგნებულად, საზოგადოების შეცდომაში შეყვანის მიზნით ვრცელდება დეზინფორმაცია, თითქოს ქუთათელაძე  ჭანტურიამ მოკლა. ოჯახი თავს შეურაცხყოფილად მიიჩნევს:

„სამხარეო პოლიცია ცდილობს, დათესოს ეს ჭორები, ეს დეზინფორმაციები გაავრცელოს, თითოქოს გიორგი ჭანტურიას  მიერ ჩადენილოია მკვლელობა, რის გამოც  ჩვენი ოჯახი თავს შეურაცხყოფილად გრძნობს,რადგან ეს არის ღირსების შემლახველი ინფორმაცია, ამიტომ მოვუწოდებ  სახელმწიფო ორგანოს და კერძოდ პოლიციას, შეწყვიტონ დეზინფორმაციის გავრცელება“,-ამბობს ჭანტურიას და.

ცნობისთვის, გიორგი ჭანტურია, რომელიც ე.წ. სტამბოლის ბაზრობის ყოფილი მეწილეა, 17 იანვარს  საბრძოლო მასალის უკანონო შენახვისთვის  დააკავეს. ის რამდენიმე საათის განმავლობაში იკითხებოდა, მოგვიანებით  კი გათავისუფლდა.   მას მიმდინარე გამოძიებაზე ბრალი არ წარედგინა.

შეგახსენებთ,  რუსთავში, ე.წ. სტამბოლის ბაზრობის ერთ-ერთი მეწილე სამსონ ქუთათელაძე 15 იანვარს მოკლეს. მომხდარზე გამოძიება სისხლის სამართლის კოდექსის 108-ე და 236-ე მუხლებით მიმდინარეობს, რაც განზრახ მკვლელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას  გულისხმობს.

ავტორი: ,

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის