კლუბ „ბასიანთან“ მომხდარ ინციდენტში ბრალდებულის, თამაზ ქვლივიძის ადვოკატის, ზაზა მესხის განხადებით, მისი დაცვის ქვეშ მყოფი, ბრალს ნაწილობრივ აღიარებს.

კერძოდ, ადვოკატის განმარტებით,  თამაზ ქვლილიძეს ჰქონდა ცივი იარაღი, რომელსაც თავის დაცვის მიზნით იქნევდა. 

ზაზა მესხის განხადებით, თამაზ ქვლივიძეს არ ჰქონია განზრახვა, ვინმესთვის, მითუმეტეს პოლიციელისთვის, რაიმე დაზიანება მიეყენებინა.  ადვოკატი აღნიშნავს, რომ ინციდენტში მონაწილე პირებს, დაზიანებები გაშველების დროს აქვთ მიღებული.

„შს მინისტრმა აბსოლუტურად კანონიერი, სწორი განცხადება გააკეთა.  მე 20 წელი ვმუშაობდი  შს ორგანოებში.  პირველი დამცველი ვარ პოლიციის თანამშრომლების, მაგრამ მან არ იცოდა, რომ ის პოლიციის თანამშრომელი იყო. არც არავითარი განზრახვა არ ჰქონდა, რომ ვინმესთვის, არათუ პოლიციელისთვის, უბრალო მოქალაქისთვისაც მიეყენებინა დაზიანება.  ეს იყო მხოლოდ და მხოლოდ გაშველების დროს მიღებული დაზიანებები.  ხოლო თუ რა გახდა ამ გაშველების მიზეზი, მოვიპოვებთ მტკიცებულებებს. ნაწილობრივ აღიარებს დანაშაულს, რომ ჰქონდა დანა და უბრალოდ მოგერიების მიზნით იქნევდა“,– განაცხადა ადვოკატმა და დასძინა, რომ  თამაზ ქვლივიძეს, დაცვის თანამშრომლებმა მიაყენეს ფიზიკური შეურაცხყოფა.

შეგახსენებთ, გამოძიების ინფორმაციით,  კლუბ „ბასიანთან“ მომხდარი ინციდენტის დროს,  თამაზ ქვლივიძემ შსს–ის ერთი და ობიექტის დაცვის 2 თანამშრომელი ცივი იარაღით დაჭრა. მას ბრალი სისხლის სამართლის კოდექსის სამი  მუხლით აქვს წარდგენილი. საქალაქო სასამართლომ ქვლივიძეს  გირაო შეუფარდა,  თუმცა დღეს  სააპელაციო სასამართლომ აღკვეთის ღონისძიება გირაო,  პატიმრობით შეცვალა.

ავტორი: ,

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის