„როდესაც საუბარია სამართალდამცველის უსაფრთხოებაზე, უწყების ყველა თანამშრომელი და მოქალაქე უკომპრომისო უნდა იყოს“, - ამის შესახებ შს მინისტრმა გიორგი გახარიამ თბილისის სააპელაციო სასამართლოს მიერ, „ბასიანის“ ინციდენტში ბრალდებულისთვის პატიმრობის შეფარდებასთან დაკავშირებით დასმულ კითხვაზე საპასუხოდ განაცხადა.

როგორც მან აღნიშნა, იქ სადაც, პოლიციელი დაუცველია, ვერც საზოგადოების დაცვა იქნება შესაძლებელი.

"არ შევაფასებ სასამართლოს გადაწყვეტილებას, მხოლოდ და მხოლოდ იმიტომ, რომ ინსტიტუტები ასრულებენ თავის ფუნქციას. კიდევ ერთხელ ხაზგასმით ავღნიშნავდი მხოლოდ, რომ იქ, სადაც საქმე ეხება პოლიციის უსაფრთხოებას, და პოლიციელის ღირსებას, ერთმნიშვნელოვნად, ჩვენ ყველა - შს სამინისტროს ხელმძღვანელობა, თანამშრომლები და თითოეული მოქალაქე, უნდა იყოს უკომპრომისო. საზოგადოება, სადაც პოლიციელი ვერ არის დაცული, იმ საზოაგდოების უსაფრთხოების გარანტიას ვერ მოგცემთ ვერავინ", - განაცხადა გახარიამ.

ცნობისთვის, თბილისის სააპელაციო სასამართლომ კლუბ „ბასიანთან“ პოლიციელისა და ობიექტის დაცვის 2 თანამშრომლის დაჭრაში ბრალდებულ თამაზ ქვლივიძეს აღკვეთის ღონისძიების სახით პატიმრობა შეუფარდა. იგი სასამართლო დარბაზში დააპატიმრეს.

შეგახსენებთ, გამოძიების ინფორმაციით, 13 იანვარს, კლუბ „ბასიანთან“ მომხდარი ინციდენტის დროს ბრალდებულმა შსს 1 და ობიექტის დაცვის 2 თანამშრომელი ცივი იარაღით დაჭრა. მისი დაკავება დანაშაულის ადგილზე მოხდა. მას ბრალი წარედგინა საქართველოს სისხლის სამართლის კოდექსის სამი მუხლით. პროკურატურამ აღკვეთის ღონისძიების სახით პატიმრობა მოითხოვა და თბილისის საქალაქო სასამართლოს გადაწყვეტილება, გირაოს გამოყენების შესახებ, სააპელაციო სასამართლოში გაასაჩივრა.

ავტორი: ,

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის