მეზვრიშვილი: ავჭალაში ცოლ-ქმრის მკვლელობის ფაქტზე ინტენსიური საგამოძიებო მოქმედებები მიმდინარეობს

2018-01-16 14:59:13, 2087 ნახვა

სამართალი

ავჭალაში, ცოლ-ქმრის მკვლელობის ფაქტზე ინტენსიური საგამოძიებო მოქმედებები მიმდინარეობს.

ამის შესახებ შს მინისტრის მოადგილე ნათია მეზვრიშვილმა უწყებაში გამართულ ბრიფინგზე განაცხადა.

მისი თქმით, ამ დროისთვის დგინდება გარდაცვლილების საახლობლო წრე, ვისთანაც ოჯახს კავშირი ჰქონდა, გამოიკითხნენ მეზობლები და ახლობლები.

„შინაგან საქმეთა სამინისტრო ამ მკვლელობის ფაქტზე ინტენსიურ ოპერატიულ ღონისძიებებს ახორციელებს, რათა დროულად დადგინდეს ბრალდებული. დანიშნულია ექსპერტიზები. მიმდინარეობს გენეტიკური კვლების ნიმუშების აღება, რაც გამოძიებას ხელს შეუწყობს დანაშაულის გახსნაში. ასევე, ტარდება კანონით გათვალისწინებული სხვადასხვა სახის ღონისძიებები. ფაქტზე გამოძიება 109-ე და 236-ე მუხლებით მიმდინარეობს, რაც დამამძიმებელ გარემოებებში განზრახ მკვლელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს“, - განაცხადა ნათია მეზვრიშვილმა.

შეგახსენებთ, თბილისში ცოლ-ქმარი ორი დღის წინ მოკლეს. შემთხვევა ზაჰესში მოხდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები