სამხრეთ კორეის ლიდერმა მუნ ჩე ინმა ყოველწლიურ პრესკონფერენციაზე განაცხადა, რომ ის მზადაა, ჩრდილოეთ კორეის ლიდერს წინასწარ განსაზღვრული პირობებით შეხვდეს.

მისი თქმით, ამგვარი შეხვედრა მხოლოდ იმ პირობით შედგება, თუ ეს ფხენიანის ბირთვული პროგრამის პრობლემის გადაწყვეტას ხელს შეუწყობს.

„მზად ვარ მაღალ დონეზე შეხვედრა გავმართო თუ ეს ხელს შეუწყობს ჩრდილოეთ კორეის ბირთვული პროგრამის პრობლემის გადაწყვეტას და ასევე ორ კორეას შორის ურთიერთობების აღდგენას“, - განაცხადა სამხრეთ კორეის პრეზიდენტმა.

მინისტრების დონეზე ჩრდილოეთ კორეამ და სამხრეთ კორეამ მოლაპარაკებები გუშინ გამართეს.  შეხვედრის მთავარი საკითხი ზამთრის ოლიმპიურ თამაშებში ჩრდილოეთ კორეის მონაწილეობა და ორმხრივი ურთიერთობის სტატუსი იყო.  

მოლაპარაკებების დროს გადაწყდა, რომ ოლიმპიადის მიმდინარეობისას ინციდენტების თავიდან არიდების მიზნით ფხენიანსა და სეულს შორის სამხედრო ცხელი ხაზი ამოქმედდება.

 მოლაპარაკებების შემდეგ ასევე ცნობილი გახდა, რომ ოლიმპიადის მიმდინარეობისას სამხრეთ კორეა მზად არის ჩრდილოეთ კორეასთვის დაწესებული სანქციები შეამსუბუქოს.

ავტორი: ,

სოციალური ქსელები

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა

დააკავეს ნაცისტურ-ფაშისტური იდეოლოგიის მქონე დაჯგუფების ერთ-ერთი ლიდერი - შსს