ხორავას ქუჩაზე მომხდარი მკლელობის საქმის პროკურორის ზვიად ფხაკაძის განცხადებით, ბრალდების მხარეს უამრავი, სხვადასხვა სახის მტკიცებულება გააჩნია.

როგორც მან ჟურნალისტებს განუცხადა, სასამრთლოს მიერ მტკიცებულებების დასაშვებად  ცნობის შემდეგ, მათი არსებით სხდომაზე გამოკვლევა მოხდება.

ვინაიდან საქმმე არასრულწლოვნებს ეხება, პროკურორი საქმის შინაარსობრივ მხარეზე არ საუბრობს.  ამასთან ზვიად ფხაკაძის ინფორმაციით, მოცემულ საქმეზე დაკითხულია 120-მდე პირი, ჩატარებულია 20 ექსპერტიზა, რომელთა შედეგებიც, მისივე განმარტებით, დღევანდელ წინასასამართლო სხდომაზეა წარდგენილი.

„არის სხვა ექპერტიზები, რომელთა შედეგებიც  დამატებით წარედგინება სასამართლოს“,- განმარტა პროკურორმა.

ამასთან, ზვიად ფხაკაზე არ იზიარებს დაცვის მხარის პოზიციას, რომ  საქმეზე არასრულფასოვანი გამოძიება ჩატარდა.

„ ეს არის სიცრუე და ემსახურება საზოგადოების შეცდომაში შეყვანას.  გამოძიება მუშაობს ყველა მიმართულებით და ნებისმიერი პირი შესაბამისი მტკიცებულებების საფუძველზე, მიეცემა პასუხისგებაში“, - განაცხადა ფხაკაძემ

რაც შეეხება დაცვის მხარის მტკიცებას, რომ  საქმეში ორზე მეტი ცივი იარაღი ფიგურირებს, პროკურორი აღნიშნავს, რომ საქმეში მხოლოდ ის ცივი იარაღი მონაწილეობდა, რომელიც მტკიცებულების სახითაა წარმოდგენილი.

შეგახსენებთ,  პირველ დეკემბერს, თბილისში, ხორავას ქუჩაზე არასრულწლოვნებს შორის ურთიერთშელაპარაკების შედეგად  ორი მოზარდი მოკლეს. ერთ-ერთი საავადმყოფოში მიყვანამდე გზაში გარდაიცვალა, ხოლო მეორე მოზარდი- ინციდენტიდან მეორე დღეს.

ავტორი: ,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times