შინაგან საქმეთა სამინისტრომ თბილისში მომხდარი 19 წლის მოზარდის მკველობის საქმე გახსნა, - ამის შესახებ შს მინისტრის მოადგილემ ნათია მეზვრიშვილმა დღეს გამართულ ბრიფინგზე განაცხადა.

როგორც მინისტრის მოადგილემ აღნიშნა, 19 წლის მოზარდის მკვლელობის ბრალდებით ერთი პირია დაკავებულია. მისივე ინფორმაციით, სამართალდამცველებმა მომხდარ ფაქტთან დაკავშირებით კიდევ 5 პირი, შეუტყობინებლობის ბრალდებით დააკავეს.

მეზვრიშვილის თქმით, მკველობის მოტივად ურთიერთშელაპარაკება დადგინდა, თუმცა გამოძიება გრძელდება.

"შინაგან საქმეთა სამინისტრომ თბილისში მომხდარი მკვლელობის ფაქტი უმოკლეს ვადებში გახსნა. დანაშაულის გახსნა მოხერხდა იმის მიუხედავად, რომ ფაქტის შემსწრე ინფორმაციის მქონე პირებმა გამოძიებასთან არ ითანამშრომლეს. ამ ეტაპზე გატარებული ღონისძიებების შედეგად განზრახ მკვლელობის ბრალდებით დაკავებულია ერთი პირი, ხოლო დანაშაულის შეუტყობინებლობით დაკავებულია 5 პირი. დანაშაულის შეუტყობინებლობისთვის გათვალისწინებულია 2-დან 4 წლამდე თავისუფლების აღკვეთა, ხოლო მკვლელობაში ბრალდებულს 7-დან 15 წლამდე ვადით თავისუფლების აღკვეთა ემუქრება. გამოძიებით დადგინდა, რომ 2017 წლის 29 დეკემბერს 1991 წელს დაბადებულმა პირმა ურთიერთშელაპარაკების ნიადაგზე გადაჭრილი თოფისა და ცივი იარაღის გამოყენებით ყელისა და გულმკერდის არეში სასიკვდილო ჭრილობები მიაყენა მის ნაცნობს, 1998 წელს დაბადებულ პირს და კვალის დაფარვის მიზნით ცხედარი მდინარე მტკვარში გადააგდო. ფაქტის შემსწრე 5 პირი, რომლებმაც გამოძიებასთან არ იტანამშრომლეს დანაშაულის შეუტყობინებლობისთვის უკვე დაკავებულია, თუმცა არ არის გამორიცხული, რომ ბრალდებულ პირთა წრე კიდევ გაიზარდოს. სამწუხაროა, რომ მიუხედავად იმისა, რომ ამ მძიმე ფაქტს შეესწრო პირთა ფართო წრე, არც ერთმა მათგანმა, 8 დღის განმავლობაში არ შეატყობინა სამართალდამცავ ორგანოებს და ითანამშრომლა გამოძიებასთან", - განაცხადა მეზვრიშვილმა.

შს მინისტრის მოადგილემ საზოგადოებას  მოუწოდა, დანაშაულის შესახებ ინფორმაციის არსებობის შემთხვევაში სამარტალდამცავ ორგანოებს მიმართონ. მეზვრიშვილმა დანაშაულის წინააღმდეგ ეფექტიანი ბრძოლისათვის, საზოგადოების ჩართულობას გაუსვა ხაზი.

"მიზანშეწონილია და მნიშვნელოვანია, საზოგადოების აქტიური ჩართულობა. შესაბამისად შინაგან საქმეთა სამინისტრო მოქალაქეებს მოუწოდებს, რომ დანაშაულის შესახებ ინფორმაცია დაუყოვნებლივ მიაწოდონ სამართალდამცავ პრგანოებს, იმისათვის, რომ დანაშაულის გახსნა კიდევ უფრო ეფექტიანად განხორციელდეს", - აღნიშნა მან.

შეგახსენებთ, რომ გუშინ თბილისში, მდინარე მტკვარიდან მაშველებმა 19 წლის მოზარდის ცხედარი ამოიყვანეს. ახალგაზრდას ოჯახის წევრები 10 დღის განმავლობაში ეძებდნენ.

ავტორი: ,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times