თბილისის საქალაქო სასამართლომ პანკისის ხეობაში სპეცოპერაციისას დაკავებულ ზურაბ გორნაკაშვილს აღკვეთის ღონისძიების სახით პატიმრობა შეუფარდა.

მისი ადვოკატი ირაკლი ბენია აღკვეთის ღონისძიების სახით 10-ათასლარიან გირაოს ითხოვდა, თუმცა მოსამართლემ მოთხოვნა არ დააკმაყოფილა.

ადვოკატის თქმით, მისი დაცვის ქვეშ მყოფი ბრალს არ აღიარებს. ჟურნალისტის კითხვას - იცნობდა თუ არა გორნაკაშვილი ახმედ ჩატაევს, ადვოკატმა არ უპასუხა.

რაც შეეხება სპეცოპერაციის დროს დაკავებულ სხვა პირებს, ადვოკატის განცხადებით, გორნაკაშვილი მათგან ზოგიერთ იცნობდა, ზოგიერთს კი, არა. თუმცა კონკრეტულ სახელებს და გვარებს არ ასახელებს.

ამ წუთებში თბილისის საქალაქო სასამართლოში კიდევ სამი დაკავებულის: რუსლან ალადამოვის, რამაზ მარგოშვილის და ბადურ ჩოფანაშვილის სასამართლო პროცესი მიმდინარეობს.

პროკურატურა დაკავებულებისთვის აღკვეთის ღონისძიების სახით პატიმრობის გამოყენებას მოითხოვს.

შეგახსენებთ, 25 დეკემბერს, გამთენიისას, თბილისსა და ახმეტის რაიონის სოფლებში - დუისსა და ომალოში საქართველოს 5 მოქალაქე დააკავეს. სპეცოპერაციის დროს ერთ-ერთი პირი თავის არეში დაიჭრა. სახელმწიფო უსაფრთხოების სამსახურში განმარტეს, რომ იგი ხელყუმბარის მოქმედებაში მოყვანას ცდილობდა და სამართალდამცველმა სწორედ აღნიშნულის გამო მოახდინა მის მიმართ გასროლა.

სუს-ის იფნორმაციით, დაკავებულები დაკავშირებული არიან 21-22 ნოემბერს, თბილისში, ბერი გაბრიელ სალოსის ქუჩაზე ჩატარებული სპეცოპერაციის შედეგად განეიტრალებული დაჯგუფების წევრებთან და მათ ხელშემწყობ პირებს წარმოადგენენ. უსაფრთხოების სამსახურის ცნობით, დანაშაულებრივ ჯგუფთან კავშირზე მყოფი სხვა პირების გამოვლენის მიზნით, საგამოძიებო მოქმედებები გრძელდება.

ავტორი: ,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times