ტელეკომპანია „იბერიის“ პირდაპირ ეთერში, მომხდარი სიტყვიერი და ფიზიკური დაპირისპირების ფაქტზე, შინაგან საქმეთა სამინისტრომ გამოძიება დაიწყო.

ამის შესახებ უწყების განცხადებაშია აღნიშნული:

„შინაგან საქმეთა სამინისტროს თბილისის პოლიციის დეპარტამენტის, ძველი თბილისის სამმართველოში შევიდა შეტყობინება, რომ მიმდინარე წლის 21 დეკემბერს თბილისში, ჩუბინაშვილის ქუჩაზე ტელეკომპანია „იბერიის“ გადაცემაში "ცენზურის გარეშე“, ერთიანი ნაციონალური მოძრაობის საბჭოს წევრს, ეკა წამალაშვილს სიტყვიერი და ფიზიკური შეურაცხყოფა მიაყენეს.

მომხდარზე მიმდინარეობს აქტიური საგამოძიებო მოქმედებები, მათ შორის ინციდენტში მონაწილე პირების გამოკითხვა.

გამოძიება ძალადობის ფაქტზე მიმდინარეობს, საქართველოს სისხლის სამართლის კოდექსის 126-ე მუხლით“, - ნათქვამია განცხადებაში.

შეგახსენებთ, ტელეკომპანია „იბერიის“ პირდაპირ ეთერში, „ნაციონალური მოძრაობის“ პოლიტიკური საბჭო წევრ ეკა წამალაშვილს კულტურის პალატის ხელმძღვანელმა დავით ოქიტაშვილმა წყალი შეასხა, შემდეგ კი ჭიქა ესროლა. გავრცელებული ინფორმაციით, გადაცემის შემდეგ, ტელევიზიის შენობასთან წამალაშვილს ფიზიკურად ყოფილი დეპუტატი ხათუნა ხოფერია დაუპირისპირდა.

ავტორი: ,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times