მთავრობის განახლებული შემადგენლობა და სამთავრობო პროგრამა პარლამენტს წარედგინა.

კანონის შესაბამისად მთავრობის შემადგენლობა პრეზიდენტმა წარადგინა, ხოლო სამთავრობო პროგრამა- პრემიერმა.

როგორც ბიუროს სხდომაზე აღინიშნა, ოთხშაბათს დილის 10 საათიდან 12 საათამდე გათვალისწინებულია მთავრობის წევრების შეხვედრა კომიტეტებთან, ხოლო შემდეგ- პოლიტიკურ ჯგუფებთან.

„კომიტეტებში განხილვის თემატიკა 4 ბლოკად არის. განხილვა იწყება 10 საათზე. ორი საათი აქვს გამოყოფილი. პირველი ბლოკი ეთმობა ადამიანის უფლებათა დაცვის და სამოქალაქო ინტეგრაციის კომიტეტს, თავდაცვის და უშიშროების კომიტეტს, იურიდიულ საკითხთა კომიტეტს, საპროცედურო  საკითხთა და წესების  კომიტეტს.

მთავრობის წევრებიდან იქნებიან თავდაცვის მინისტრი, იუსტიციის მინისტრი, ოკუპირებული ტერიტორიებიდან იძულებით გადაადგილებულ პირთა  განსახლებისა და ლტოლვილთა მინისტრი, სასჯელაღსრულების მინისტრი, შერიგებისა და სამოქალაქო თანასწორობის საკითხებში სახელმწიფო მინისტრი, შს მინისტრი. პირველი რესპუბლიკის სახელობის დარბაზში.

ამავე დროს 10-დან 12 საათამდე იქნება მეორე ბლოკი ილია ჭავჭავაძის სახელობის დარბაზში.  აგრარულ საკითხთა გარემოს დაცვის და ბუნებრივი რესურსების კომიტეტი, დარგობრივი ეკონომიკისა და ეკონომიკური პოლიტიკის კომიტეტი, საფინანსო საბიუჯეტო დარეგიონული პოლიტიკის და თვითმმართველობის კომიტეტი გამართავს შეხვედრას გარემოს დაცვისა და სოფლის მეურნებობის მინისტრთან, ეკონომიკისა და მდგრადი განვითარების მინისტრთან, რეგიონული განვითარებისა და ინფრასტრუქტურის მინისტრთან, ფინანსთა მინისტრთან. ამავე დროს 10-დან 12 საათამდე ბრიფინგების ოთახში გაიმართება დიასპორისა და კავკასიის საკითხთა კომიტეტის, ევროპასთან ინტეგრაციის კომიტეტისა და საგარეო ურთიერთობათა კომიტეტის შეხვედრა საგარეო საქმეთა მინისტრთან, ამავე პერიოდში კინოდარბაზში გაიმართება განათლების მეცნიერებისა და კულტურის კომიტეტის, სპორტისა და ახალგაზრდულ საქმეთა კომიტეტისა და ჯანმრთელობის დაცვისა და სოციალურ საკითხთა კომიტეტის შეხვედრა განათლებისა და მეცნიერების მინისტრთან, კულტურისა და სპორტის მინისტრთან, შრომის, ჯანმრთელობისა და სოციალური დაცვის მინისტრთან. ამის შემდეგ დაიწყება  საპარლამენტო უმცირესობის შეხვედრები მთავრობის შემადგენლობასთან,13:00 საათიდან 14:00 საათამდე “,-აღინიშნა პარლამენტის ბიუროს სხდომაზე.

ოთხშაბათს 21 საათისთვის დაგეგმილია ბიურო, რომელიც კომიტეტებსა და ფრაქციებში განხილვებს შეაჯამებს.

"ხვალ მივმართავთ საქართველოს პრეზიდენტს რიგგარეშე სესიის მოწვევის თაობაზე.თხოვნა გვექნება, რიგგარეშე სესია გაგრძელდეს 21 რიცხვის 12 საათიდან დღის წესირგით გათვალისწინებული საკითხბეის ამოწურვამდე. შესაძლებელია შაბათ -კვირასაც გაგრძელდეს",-განმარტა პარლამენტის ვიცე-სპიკერმა თამარ ჩუგოშვილმა.

ავტორი: ,

სოციალური ქსელები

თბილისის ერთ-ერთ სკოლაში სპორტული წრის მასწავლებელმა 8-9 წლის ბავშვებთან არერთხელ დაამყარა სექსუალური კონტაქტი

კახა კალაძე ჩინეთის ვიცე-პრეზიდენტის ვიზიტზე: ასეთი რანგის სტუმარი ბოლო 10 წლის განმავლობაში საქართველოს არ ახსოვს

სახალხო დამცველმა ირაკლი ღარიბაშვილის საჯარო განცხადებაში მითითებული საკითხების შესწავლა დაიწყო

ივანიშვილის წარმომადგენელი გორდულაძე განაჩენის გამოტანამდე ოპოზიციურ პარტიებს არაკონსტიტუციურებს უწოდებს