2017-12-18 17:38:55, 1993 ნახვა

---

ქუცნაშვილი - პრემიერის შესაძლო გადადგომაზე ინფორმაცია გაავრცელა „რუსთავი 2“-მა, იმიტომ რომ აწყობს

„ეს ინფორმაცია თეორიული დაშვების დონეზე გაავრცელა „რუსთავი 2“-მა, იმიტომ რომ აწყობს პრემიერი გადადგეს“, - ამის შესახებ საპარლამენტო უმრავლესობის წევრმა ზაქარია ქუცნაშვილმა ჟურნალისტებს განუცხადა.

როგორც მან აღნიშნა, გიორგი კვირიკაშვილი გადადგომა მოსალოდნელი არ არის.

„პრემიერი ამ კვირაში წარმოადგენს მთავრობის განახლებულ შემადგენლობას და აქედან გამომდინარე, ჩვენ არ ველოდებით მის გადადგომას. ეს ინფორმაცია თეორიული დაშვების დონეზე გაავრცელა „რუსთავი 2“-მა, იმიტომ რომ აწყობს პრემიერი გადადგეს. ამას ხელი შეუწყო თავად პრემიერის განცხადებამ, რომ თუ დადასტურდება უკანონობა სახელმწიფო შესყიდვების ფაქტზე, რა ფაქტიც მან შეისწავლა, მზად იყო დაეტოვებინა, ეს იყო მისი პირადი განცხადება“, - განაცხადა ზაქარია ქუცნაშვილმა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი