ვოლსკი: ახალი ფრაქციების შექმნის მთავარი მიზეზი მართვის სისტემის დახვეწაა

2017-12-16 14:46:19, 2065 ნახვა

კომენტარი

პარლამენტის ვიცე-სპიკერი გია ვოლსკი, გამორიცხავს, რომ საპარლამენტო უმრავლესობაში 2 ახალი ფრაქციის შექმნა დაპირისპირებას უკავშირდება.

ვოლსკის თქმით, ფრაქციების შექმნა განპირობებულია იმით, რომ გადაწყვეტილებები ერთპიროვნულად არ იყოს მიღებული.

"მთავარი მიზეზი მართვის სისტემის დახვეწაა. გარდა ამისა, არსებობს ის აუცილებლობა, რომ 86-კაციან ფრაქციას არ ჰქონდეს ერთპიროვნული გავლენა ყველა პროცესზე, რომელიც მიმდინარეობს. არანაირი დაპირისპირება ამ შემთხვევაში სახეზე არ არის", - დასძინა საპარლამენტო უმრავლესობის წევრმა.

ცნობისთვის, საპარლამენტო უმრავლესობაში ორი ახალი ფრაქცია ჩამოყალიბდება, რომლებსაც ბიძინა გეგიძე და გოჩა ენუქიძე უხელმძღვანელებენ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები