წულუკიანი: სააკაშვილის ექტრადირების მოთხოვნაზე უკრაინიდან პასუხი ჯერ არ მიგვიღია

2017-12-12 09:35:11, 2199 ნახვა

პოლიტიკა

იუსტიციის მინისტრის თეა წულუკიანის განცხადებით, ყოფილი პრეზიდენტის მიხეილ სააკაშვილის საქართველოში ექსტრადირების მოთხოვნაზე საქართველოს უკრაინისგან პასუხი ჯერჯერობით არ მიუღია.

„ჩვენ უკრაინული მხარისგან ჯერჯერობით არ მიგვიღია რაიმე ტიპის პასუხი ექსტრადიციის მოთხოვნაზე. უკრაინაში მიმდინარე პროცესებს ყველანი ერთად ვაკვირდებით მედიასაშუალებების დახმარებით. ვხედავთ, რომ დაკავებულის მიმართ უკრაინაშიც მიმდინარეობს სისხლის სამართლებრივი პროცესი. ამ საკითხზე, რა თქმა უნდა, უკრაინული კომპეტენტური ორგანოების გადაწყვეტილების მოლოდინშია უკრაინაში ყველა“, – განუცხადა „საზოგადოებრივ მაუწყებელს“ თეა წულუკიანმა.

ცნობისთვის, საქართველოს მესამე პრეზიდენტი მიხეილ სააკაშვილი მოსამართლემ სასამართლო დარბაზიდან გაათავისუფლა.

პროკურატურა სააკაშვილისთვის აღკვეთის ღონისძიების სახით ელექტრონული სამაჯურით ორთვიან შინაპატიმრობას ითხოვდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები