პარლამენტში აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმისა და საქართველოს მთავრობის რიგით მე-2 ერთობლივ კონფერენცია: „საქართველო ევროკავშირის ასოცირების ამოცანები" მიმდინარეობს.

კონფერენციაზე  განიხილავენ საქართველო-ევროკავშირის ასოცირების ხელშეკრულების განხორციელების  მიმდინარეობას სხვადასხვა სექტორის მიხედვით.  

კონფერენციაში მონაწილეობენ  ევროკავშირისა და აღმოსავლეთ პარტნიორობის წევრი ქვეყნების ინსტიტუტებისა და საქართველოს აღმასრულებელი და საკანონმდებლო ხელისუფლების მაღალი რანგის წარმომადგენლები, ეროვნული პლატფორმის წევრი ორგანიზაციები, საქართველოში აკრედიტებული დიპლომატიური კორპუსის წარმომადგენლები.

მიწვეული იყო საქართველოს პრემიერ-მინისტრი და ვიცე-პრემიერი მიხეილ ჯანელიძე,  თუმცა ისინი ფორუმს არ ესწრებიან.

აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმის თავმჯდომარე, ევროპის ფონდის პრეზიდენტმა ქეთევან ვაშაკიძემ აღნიშნულის გამო მწუხარება გამოთქვა:

„სამწუხაროა, რომ კონფერენციას არ ესწრებიან საქართველოს პრემიერ-მინისტრი და ვიცე-პრემიერი, რომლის დაქვემდებარებაში მყოფი სამინისტრო ახალი წლიდან გადაიბარებს საქართველოს ევროპულ და ევროატლანტიკურ სტრუქტურებში ინტეგრაციის საკითხებზე პასუხისმგებლობას.მიუხედავად ეროვნული პლატფორმის მცდელობისა, მათ აქტიური მონაწილეობა მიეღოთ კონფერენციის მსვლელობაში და ესაუბრათ იმ სტრუქტურულ ცვლილებებზე, რომელიც სამწუხაროდ, საოგადოებასთან  და დაინტერესებულ მხარეებთან ყოველგვარი კონსულტაციის გარეშე, დახურულ კარს მიღმა მოხდა“,-განაცხადა ქეთევან ვაშაკიძემ.

ავტორი: ,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო