საქართველოს პარლამენტის თავმჯდომარის ირაკლი კობახიძის განცხადებით, ევროკავშირის აღმოსავლეთ პარტნიორობის სამიტმა, რომელიც რამდენიმე დღის წინ დასრულდა, საქართველოს ხელისუფლების დემოკრატიული, ლიბერალური რეფორმების წარმატება კიდევ ერთხელ დაადასტურა.

„მინდა, ყველას გულწრფლეად მოგილოცოთ საქართველოს წარმატება.საქართველო უკვე უპირობოდაა აღიარებული აღმოსავლეთის პარტნიორობის ყველაზე წარმატებულ ქვეყნად“,-განაცხადა ირაკლი კობახიძემ საქართველოს მთავრობისა და საქართველოს ეროვნული პლატფორმის ერთობლივ კონფერენციაზე.

თუმცა, პარლამენტის თავმჯდომარის განმარტებით,  საქართველოს თვითმიზანი არა აღმოსავლეთის პარტნიორობის ყველაზე წარმატებულ ქვეყნად აღიარება, არამედ ევროკავშირში  სრულფასოვანი წევრობაა:

„ეს ჩვენი თვითმიზანი არასდროს ყოვილა. ხელისუფლების ამოცანაა, რომ ჩვენი ურთიერთობების მზარდი ინტენსივობა ევროკავშირთან სრულფასოვანი წევრობით დაგვირგვინდეს.

ევროატლანტიკურ ალიანსა და ევროკავშრიში გაწევრიანება საქართველოს სახელმწიფოებრივი დამოუკიდებლობისა და დემოკრატიული განვითარების გარანტია იქნება. ჩვენი საზოგადოება სულ უფრო მეტად იზიარებს საქართველოს ევროპულ და ევროატლანტიკურ არჩევანს,რ აც ნიშნავს რომ დასავლური თანამეგობრობის წევრობა ხელისუფლების სურვილი კიარა,  ხალხის თავისუფალი ნების გამოვლინებაა“,-აღნიშნა ირაკლი კობახიძემ.

თბილისში, რუსთაველის გამზირზე მდებარე პარლამენტის შენობაში აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმისა და საქართველოს მთავრობის რიგით მე-2 ერთობლივ კონფერენციაზე: „საქართველო ევროკავშირის ასოცირების ამოცანები" მიმდინარეობს.

ავტორი: ,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო