საქართველოს თავდაცვისა და უშიშროების კომიტეტის თავმჯდომარის ირაკლი სესიაშვილის განცხადებით, სტრუქტურულ ცვლილებებთან დაკავშირებით, პრემიერ-მინისტრმა ძალიან თამამი ნაბიჯი გადადგა და ეს მისასალმებელია.

სესიაშვილის თქმით, ქვეყნის წარმატების ფორმულა მდგომარეობს ძლიერ მმართველობაში, ნაკლები ბიუროკრატიით, კოორდინაციის მაღალ ხარისხში და ეფექტურ კონტროლის მექანიზმებში.

„გულწრფელად მინდა მივესალმო პრემიერის ძალიან თამამ ნაბიჯს, აქ ვიყოთ ობიექტურები, რომ ეს არის მართლაც თამამი ნაბიჯი და პრინციპულად ვიზიარებ მიდგომას იმდენად, რამდენადაც ჩვენი ქვეყნის წარმატების ფორმულა მდგომარეობს ძლიერ მმართველობაში, ნაკლები ბიუროკრატიით, კოორდინაციის მაღალ ხარისხში და ეფექტურ კონტროლის მექანიზმებში. ამიტომ პროცესი, რომელიც დაიწყო და მართლაც თამამი ინიციატივა იყო პრემიერის მხრიდან, მე ვფიქრობ არის სწორი დასაწყისი, რომ ჩვენ შემჭიდროვებული ბიუროკრატიის ფარგლებში შევძლოთ არსებული მწირი რესურსის გამოყენებით კოორდინაციის უნარჩვევების გაძლიერება და ამასთანავე ეტაპობრივად და მაქსიმალური მონდომებით დავამატოთ და გავაძლიეროთ კონტროლის მექანიზმები. მე ყოველთვის ვამბობდი და აქაც ვამბობ, რომ მიუხედავად იმისა, რომ ჩვენ ოპოზიციასთან ხშირ შემთხვევაში ძალიან განსხვავებული  დამოკიდებულება, აზრები, პოზიცია გაგვაჩნია, ეს არის თემა, რომელიც შეეხება თავდაცვას, უსაფრთხოებას და გულწრფელად მჯერა, რომ ყველას გვაქვს საერთო ეროვნული ინტერესი, ეს არის ჩვენი ქვეყნის უსაფრთხოების უზრუნველყოფა, ჩვენი მოქალაქეების ადეკვატური დაცვა“,-განაცხადა ირაკლი სესიაშვილმა პარლამენტის რიგგარეშე სხდომაზე, სადაც სტრუქტურულ ცვლილებებთან დაკავშირებულ კანონპროექტს განიხილავენ.

ავტორი: ,

სოციალური ქსელები

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო

ლარსის გამშვებ პუნქტზე რუსი მესაზღვრეები ქართველ მძღოლებს დოკუმენტების სწრაფად მიღებისთვის დიდ გადასახადებს თხოვენ

2025 წელს საქართველოში 13 000-ზე მეტი ახალი სამუშაოს მაძიებელი დარეგისტრირდა