ფინანსთა სამინისტროს მიერ გამოყოფილი 14 მლნ ლარი, სამუშაოების დაუყოვნებლივ დაწყების მიზნით, შპს „თბილისის სატრანსპორტო კომპანიის“ საწესდებო კაპიტალში აისახება და ვაგონების მოდერნიზება-რეკონსტრუქციას მოხმარდება, - ამის შესახებ თბილისის მერმა კახა კალაძემ დედაქალაქის მთავრობის დღევანდელ სხდომაზე განაცხადა.

კახა კალაძემ მთავრობის სხდომაზე ყურადღება დედაქალაქის 2018 წლის ბიუჯეტზე გაამახვილა, რომლის პროექტიც, კანონმდებლობით დადგენილი წესით, საკრებულოს მიმდინარე კვირის ბოლოს გადაეგზავნება.

2018 წლის განსახორციელებელი პროექტების ბიუჯეტი ჯამში, 60 მლნ ლარით გაიზარდა, რისთვისაც დედაქალაქის მერმა ცენტრალურ ხელისუფლებას, პრემიერ-მინისტრსა და ფინანსთა სამინისტროს მადლობა კიდევ ერთხელ გადაუხადა.

„აღნიშნული 60 მილიონიდან ფინანსთა სამინისტროს ტრანსფერი - 14 მლნ ლარი, სამუშაოების დაუყოვნებლივ დაწყების მიზნით, შპს „თბილისის სატრანსპორტო კომპანიის“ საწესდებო კაპიტალში წელსვე აისახება და ვაგონების მოდერნიზება-რეკონსტრუქციას მოხმარდება. მნიშვნელოვანია, რომ ჩვენ ვაგონების მოდერნიზაციის პროექტი განვახორციელოთ. ამით ხელს შევუწყობთ მოქალაქეების კომფორტულად მგზავრობას და შესაბამისად, მოცდის ინტერვალების შემცირებას, რაც დღეს მგზავრებისთვის სერიოზულ პრობლემას წარმოადგენს“, - განაცხადა კახა კალაძემ.

მისივე თქმით, დარჩენილი 46 მლნ ლარი 2018 წლის ბიუჯეტში პირდაპირი წესით აისახება, რომელიც ორბელიანისა და გუდიაშვილის მოედნების რეაბილიტაციას მოხმარდება.

„2018 წლის ბიუჯეტში მნიშვნელოვნად არის შეცვლილი შიდა ხარჯები. კერძოდ, ინფრასტრუქტურული ხარჯები წარდგენილ ბიუჯეტთან შედარებით, რომელიც 282 მლნ ლარს შეადგენდა, 55 მლნ ლარით იზრდება, რაც იმას ნიშნავს, რომ 2018 წელს დედაქალაქში 55 მლნ ლარით მეტი ინფრასტრუქტურული პროექტი განხორციელდება, ვიდრე ეს იყო დაგეგმილი. ასევე, უნდა აღინიშნოს, რომ მნიშვნელოვნად იზრდება გამწვანების ღონისძიებებისკენ მიმართული თანხებიც. კერძოდ, მწვანე ინფრასტრუქტურაზე მიმართული თანხები, რომელიც 2017 წელს 2 900 000 ლარს შეადგენდა, 2018 წელს, იმ ბიუჯეტით, რომელსაც ჩვენ საკრებულოში წარვადგენთ, 9 მლნ ლარამდე გაიზრდება“, - აღნიშნა დედაქალაქის მერმა.

კახა კალაძის განცხადებით, 2018 წლის ბიუჯეტით გათვალისწინებული კიდევ ერთი მთავარი პრიორიტეტი ჯანდაცვა და სოციალური უზრუნველყოფა იქნება.

კერძოდ, განხორციელდება ჯანდაცვისა და სოციალური უზრუნველყოფის 32 პროგრამა, მათ შორის, ორი დამატებითი პროგრამა: ფარისებრი ჯირკვლის კიბოს სკრინინგი და ღვიძლის ტრანსპლანტაცია.

ავტორი: ,

სოციალური ქსელები

აშშ-ისკენ მიმავალი რუსული დიზელის საწვავით დატვირთული ბოლო ტანკერი შემობრუნდა და კურსი შეიცვალა.

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ