საქართველოს პრემიერ–მინისტრის მტკიცებით, ეროვნული ვალუტის დასტაბილურება დოლართან მიმართებაში 2–3 კვირაში დაიწყება.  

ამის შესახებ ღარიბაშვილმა საპარლამენტო უმცირესობასთან შეხვედრაზე განაცხადა.

„ნაციონალური მოძრაობის“ წევრის გოკა გაბაშვილის შეკითხვას, ლარის გაუფასურების შედეგად 530 000 ოჯახს გაუძვირდა თუ არა საბანკო სესხი, ღარიბაშვილმა უპასუხა, რომ საპარლამენტო უმცირესობა ქვეყანაში აჟიოტაჟს ქმნის, რაც სიტუაციის დარეგულირებას ხელს უშლის.

პრემიერის შეფასებით, ქვეყანაში ეროვნული ვალუტის გაუფასურება საგარეო ფაქტორებმა გამოიწვია.

„ლარის სტაბილიზაცია 2–3 კვირაში დაიწყება. თქვენი განცხადებები და დემაგოგია, აჟიოტაჟი რასაც თქვენ ქმნით, ხელს არ უწყობს ქვეყანაში სიტუაციის დარეგულირებას“, – აღნიშნა ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა რუსეთსა და უკრაინას შორის სამდღიანი ცეცხლის შეწყვეტის შესახებ განაცხადა

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო