საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის პირველი მოადგილე გრიგოლ გიორგაძე დევნილთა ინტეგრაციის საკითხებთან დაკავშირებით გამართულ კონფერენციას დაესწრო.

ლტოლვილთა და განსახლების სამინისტროს ინფორმაციით, კონფერენცია ამერიკის შეერთებული შტატების სახელმწიფო დეპარტამენტის მიერ დაფინანსებული პროექტის ფარგლებში გაიმართა, რომელსაც ლტოლვილთა დანიის საბჭო ახორციელებს.

პროექტი, სახელწოდებით „გაუმჯობესებული სერვისები - დაცული მოწყვლადი ჯგუფები“, მიზნად ისახავს, დევნილთა ინტეგრაციის ხელშეწყობას, მათი უფლებების სათანადო დაცვასა და დევნილი საზოგადოების გაძლიერებას.

დევნილთა და განსახლების მინისტრის მოადგილემ პარტნიორ სახელმწიფოებსა და საერთაშორისო ორგანიზაციებს გაწეული დახმარებისთვის მადლობა გადაუხადა.

„2013 წლიდან  სამინისტრო დევნილთა განსახლებისა და საარსებო წყაროებით უზრუნველყოფის პროგრამებს აქტიურად ახორციელებს, თუმცა პრობლემები იმდენად დიდია, რომ  სახელმწიფოს მხოლოდ საკუთარი რესურსით გამკლავება გაუჭირდება. ამიტომ,  საერთაშორისო ორგანიზაციების, ჩვენი პარტნიორი სახელმწიფოებისა და არასამთავრობო ორგანიზაციების მხარდაჭერა, რომლის მაგალითსაც აღნიშნული პროექტი წარმოადგენს, ჩვენთვის ძალიან მნიშვნელოვანია. ვიმედოვნებთ, რომ ჩვენი თანამშრომლობა მომავალშიც აქტიურად გაგრძელდება“, - განაცხადა გრიგოლ გიორგაძემ.

(NS) 

ავტორი: ,

სოციალური ქსელები

აშშ-ისკენ მიმავალი რუსული დიზელის საწვავით დატვირთული ბოლო ტანკერი შემობრუნდა და კურსი შეიცვალა.

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ