უკრაინის უსაფრთხოების სამსახურმა ტანსაცმლის მწარმოებელი რუსული კომპანია Gloria Jeans-ი "ტერორიზმში" დაადანაშაულა, - ამის შესახებ Kommersant.ru იუწყება.

მედია საშუალების ინფორმაციით, კომპანია საქონელს ლუგანსკის არაღიარებულ რეგიონში აწარმოებდა. ამ ეტაპზე კომპანიის საქონელი დაყადაღებულია, თუმცა მაღაზიები მუშაობას აგრძელებენ.

ამასთან, მედიის ცნობით, კომპანია გადასახადებს არაღიარებული ლუგანსკის ხელისუფლებას უხდიდა, რაც უკრაინული კანონმდებლობით აკრძალულია და ტერორიზმის ხელშეწყობას უტოლდება.

უსაფრთხოების სამსახურმა ჩხრეკა კომპანიის რამდენიმე ოფისში და საწყობში ჩაატარა. კერძოდ კი: კიევში, ხარკოვში, ოდესაში, ლვოვში, დნეპრისპირეთში და სხვა ოლქებში. ექპერტიზით დადგინდა, რომ კომპანიის საქონელი სწორედ არაღიარებული რესპუბლიკის ტერიტორიაზეა წარმოებული. გამოძიების თანახმად, დამზადებული საქონელი ლუგანსკიდან რუსეთში გადაჰქონდათ, სადაც მათი წარმოშობის შესახებ საბუთების გაყალბება ხდებოდა. გამოძიებამ ასევე დაადგინა, რომ აღნიშნული საბუთების გაყალბების შემდეგ, საქონელი ისევ უკრაინაში იგზავნებოდა, თუმცა უკვე  სახელმწიფო საზღვრის გადაკვეთით. ამის შემდეგ უკრაინის ტერიტორიაზე საქონლის რეალიზება ხდებოდა.

ერთ-ერთი იურისტის ინფორმაციით, თუ აღნიშნული ბრალდებები დადასტურდა, Gloria Jeans-ის მფლობელების და კომპანიის აქციონერების წინააღმდეგ სისხლის სამართლებრივი დევნა დაიწყება. მანვე დასძინა, რომ კომპანიას და მასთან დაკავშირებულ ყველა პირს სანქციების სიაში შეიყვანენ.

ამ ეტაპზე კომპანიის საქონელი დაყადაღებულია, თუმცა მისი ანგარიშები გაყინული არ არის. გარდა ამისა, როგორც კომპანიის მფლობელი ვლადიმირ მელნიკოვი აცხადებს, კომპანიის მიერ წარმოებულ საქონელზე მოთხოვნა ისევ მაღალია. მისივე თქმით, უკრაინა-რუსეთის კონფლიქტის დაწყებამდე, ლუგანსკის რეგიონში 11 ქარხანა მუშაობდა, ხოლო ახლა ერთი ან ორი.

"ლუგანსკში ახლა მხოლოდ ერთი ან ორი საწარმო მუშაობს, სადაც 500 კაცამდეა დასაქმებული. ჩვენ ხალხს მუშაობის საშუალებას ვაძლევთ, ვაჭმევთ და ტერორიზმს არ ვეხმარებით", - დასძინა კომპანიის მფლობელმა.

ცნობისთვის, კომპანია Gloria Jeans-ი 1988 წელს დაარსდა. კომპანია აწარმოებს ტანსაცმელს, ფეხსაცმელს და აქსესუარებს. მუშაობს ორი ბრენდის სახელით:  Gloria Jeans და Gee Jay.2016 წელს კომპანიის შემოსავალი გაყიდვების თვალსაზრისით 2.5-ჯერ გაიზარდა, რაც შემოსავლების 4.2 მილიარდი რუბლით გაზრდას გულისხმობს.

არსანიშნავია, რომ კომპანია Gloria Jeans-ი ქართულ ბაზარზეც მუშაობს. კომპანიის რამდენიმე მაღაზია თბილისის სხვადასხვა რაიონებშია განლაგებული.

ავტორი: ,

სოციალური ქსელები

უკრაინამ რუსეთის რამდენიმე ქალაქის ნავთობგადამამუშავებელი ქარხანა, რაკეტების მწარმოებელი და ოზონის საწყობები დაბომბა

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება