სახალხო დამცველის მოადგილის, ეკატერინე სხილაძის განცხადებით, ოფიციალური მონაცემების თანახმად, მიმდინარე წელს 9 თვეში, საქართველოში 22 ქალი მოკლეს და შემთხვევათა ძირითადი მოტივი ოჯახური ძალადობა იყო.

როგორც სხილაძემ აღნიშნა, ამ პრობლემას ძალოვანი უწყებები ეფექტურად ვერ უმკლავდებიან, რადგან მსხვერპლთა ნაწილმა მკვლელობამდე სამართალდამცველებს ძალადობის შესახებ არაერთხელ აცნობა.

"სამწუხაროდ, ფემიციდის შემთხვევების კლება ქვეყანაში არ ფიქსირდება და 2017 წლის 9 თვის განმავლობაში 22 ქალი მოკლეს, აქედან 13 შემთხვევაში იდენტიფიცირებული იყო ოჯახში მომხდარი დანაშაულის ფაქტი. ამავე პერიოდში 11 მკვლელობის მცდელობიდან 8 ჩაიდინეს ოჯახური ძალადობის მოტივით. ეს მეტყველებს პრობლემის აქტუალობაზე და საჭიროებს სახელმწიფოს მხრიდან მოქმედების ერთიანი სტრატეგიის შემუშავებას",- განაცხადა ეკატერინე სხილაძემ.

ცნობისთვის, თბილისში საერთაშორისო კონფერენცია „ფემიციდის შემთხვევების მონიტორინგის ინსტრუმენტები და მექანიზმები“ მიმდინარეობს. ღონისძიება ქალთა მიმართ ძალადობის წინააღმდეგ ბრძოლის საერთაშორისო დღესთან დაკავშირებით ტარდება. ღონისძიებაზე საქართველოს სახალხო დამცველმა, უჩა ნანუაშვილმა, მზადყოფნა გამოთქვა გაეროს ქალთა ორგანიზაციის ტექნიკური მხარდაჭერისთვის. 

ავტორი: ,

სოციალური ქსელები

შავ ზღვაში რუსული ნავთობის გადამზიდავ ბერძნულ ტანკერს თავს დაესხნენ - Bloomberg

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა