შინაგან საქმეთა მინისტრის მოადგილე ნინო ჯავახაძე საქართველოში ოფიციალური ვიზიტით მყოფ ევროპის საბჭოს საპარლამენტო ასამბლეის მონიტორინგის კომიტეტის საქართველოს საკითხებზე თანამომხსენებლებს შეხვდა.

უწყების პრესსამსახურის ინფორმაციით, შეხვედრაზე მხარეებმა შინაგან საქმეთა სამინისტროს მიერ სამართალდაცვითი მიმართულებით განხორციელებული და მიმდინარე რეფორმები, ასევე, ადამიანის უფლებების დაცვის გაძლიერების და ოჯახში ძალადობასთან ბრძოლის კუთხით ჩატარებული ღონისძიებები განიხილეს.

მათივე ცნობით, ვიზიტის დასრულების შემდეგ, ევროპის საბჭოს საპარლამენტო ასამბლეის დელეგაციის წევრები საქართველოს მიერ ევროპის საბჭოში გაწევრიანებისას აღებული ვალდებულებების შესრულების შესახებ საინფორმაციო ბარათს მოამზადებენ.

ევროპის საბჭოს საპარლამენტო ასამბლეის მონიტორინგის კომიტეტის საქართველოს საკითხზე თანამომხსენებლები საქართველოს, პოლიტიკური კლიმატის, ქვეყანაში მიმდინარე დემოკრატიული რეფორმების და საქართველოს მიერ ევროპის საბჭოში გაწევრიანებისას აღებული ვალდებულებების შესასრულებლად განხორციელებული ქმედებების შეფასების მიზნით, რეგულარულად სტუმრობენ.

(NS) 

ავტორი: ,

სოციალური ქსელები

აშშ-ისკენ მიმავალი რუსული დიზელის საწვავით დატვირთული ბოლო ტანკერი შემობრუნდა და კურსი შეიცვალა.

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ