პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი სერბეთის ვიცე-პრემიერ-მინისტრს, ვაჭრობის, ტურიზმისა და ტელეკომუნიკაციების მინისტრს რასიმ ლიაიჩს შეხვდა.

ეკონომიკის სამინისტროს ინფორმაციით, რასიმ ლიაიჩისთან ერთად, საქართველოს ასევე ეწვია სერბეთის რესპუბლიკის საჯარო მმართველობისა და  ადგილობრივი თვითმმართველობის მინისტრის ბრანკო რუზიჩი.  აღსანიშნავია, რომ საქართველოში სერბეთის მხრიდან პირველად განხორციელდა მაღალი რანგის წარმომადგენლების ვიზიტი.

შეხვედრაზე საქართველოს პირველმა ვიცე-პრემიერმა დიმიტრი ქუმსიშვილმა სტუმარს ქვეყნის მაკროეკონომიკური მაჩვენებლები გააცნო და მიმდინარე და დაგეგმილ ეკონომიკურ რეფორმებზე ესაუბრა. მისი განცხადებით, მთავრობის ეკონომიკური პოლიტიკა, რომელიც ხელს უწყობს ბიზნესის განვითარებას, მიმართულია ეკონომიკური ზრდის დაჩქარებისა და ახალი სამუშაო ადგილების შექმნისკენ. დიმიტრი ქუმსიშვილმა ვრცლად ისაუბრა რეფორმებზე, რომლებმაც მნიშვნელოვნად უნდა გააუმჯობესონ საინვესტიციო და ბიზნეს კლიმატი საქართველოში.

ორმხრივ ქართულ-სერბულ ურთიერთობებზე საუბრისას, მხარეებმა ხაზი გაუსვეს იმ გარემოებას, რომ ბევრ სფეროში მიღწეული წარმატებული თანამშრომლობის მიუხედავად, სავაჭრო-ეკონომიკურ მიმართულებებში კოოპერაციის დიდი პოტენციალი არსებობს.

შეხვედრაზე აღინიშნა, რომ საქართველოსა და სერბეთს შორის ჩამოყალიბდეს ორმხრივი თანამშრომლობის კომისია, რომლის შეკრება მოხდება 2018 წლის პირველ ნახევარში ორივე ქვეყნის ვიცე-პრემიერების დონეზე. აღნიშნული კომისიის სხდომაზე განხილული იქნება საქართველოსა და სერბეთს შორის სავაჭრო-ეკონომიკური, პრიორიტეტული მიმართულებები.

მხარეებმა ხაზი გაუსვეს იმ გარემოებას, რომ ორ ქვეყანას შორის გასაძლიერებელია სამართლებრივი ბაზა სხვადასხვა კუთხით, მათ შორის, ტურიზმის, სამოქალაქო ავიაციის, ინვესტიციების ორმაგი დაცვისა და წახალისების და სხვა მიმართულებებით.

ასევე დაიგეგმა 2018 წლის პირველ ნახევარში საქართველო - სერბეთის ბიზნეს ფორუმის ჩატარება, რომლის დროსაც ორივე ქვეყნის საქმიანი წრეები მსგავსი ფორმატით პირველად შეხვდებიან ერთმანეთს და ბიზნეს ურთიერთობებს დაამყარებენ.

შეხვედრის შემდეგ დიმიტრი ქუმსიშვილმა და რასიმ ლიაიჩმა ხელი მოაწერეს შეთანხმებას „საქართველოს მთავრობასა და სერბეთის რესპუბლიკის მთავრობას შორის სავაჭრო-ეკონომიკური ურთიერთობების შესახებ.

(NS)

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს