2017-11-21 10:34:11, 1916 ნახვა
საზოგადოება
პეკინისა და დოლიძის ქუჩებზე სკვერები მოეწყო
საბურთალოს რაიონში, პეკინის №2-სა და დოლიძის №10-ში სკვერები მოეწყო.
თბილისის მერიის ინფორმაციით, სკვერებში საბავშვო გასართობ მოედნებზე კაუჩუკის საფარი დაიგო და ატრაქციონები დამონტაჟდა.
მათივე ცნობით, სარეაბილიტაციო სამუშაოების ფარგლებში გამწვანდა სკვერები.
გარდა ამისა, ძველი სკამები და სანაგვე ურნები ახლით შეიცვალა.
სკვერები ღობით შემოიფარგლა.
დასრულებულ სამუშაოებს ადგილზე საბურთალოს რაიონის გამგებელი გაიოზ ვასაძე გაეცნო და მოსახლეობას გაესაუბრა.
სამუშაოები საბურთალოს რაიონის გამგეობის დაკვეთით შპს „ჯეო პარკ“-მა განახორციელა.
(NS)
![]()
ავტორი: ,
epn.ge (@expressnews.ge)
