იუსტიციის სამინისტრო სამართლის აკადემიური საგანმანათლებლო პროგრამების ხელშეწყობის მიზნით უნივერსიტეტებთან ახალი ტიპის თანამშრომლობას იწყებს.

იუსტიციის სამინისტროს მმართველობის სფეროში მოქმედმა სსიპ „საქართველოს საკანონმდებლო მაცნემ" მემორანდუმი საქართველოს დავით აღმაშენებლის სახელობის უნივერსიტეტთან (სდასუ) გააფორმა.

 იუსტიციის მინისტრმა თეა წულუკიანმა უნივერსიტეტის რექტორ თეიმურაზ ქორიძეს ვაუჩერები გადასცა, რომლებიც სდასუ-მ მაცნესგან სტუდენტებისთვის შეიძინა.

ეს არის პირველი ასეთი მემორანდუმი, რომლის ფარგლებშიც სტუდენტებისთვის ვაუჩერების შეძენა განხორციელდა, რომელიც მათ საჩუქრად გადაეცათ.

სტუდენტებს უჩნდებათ ნორმატიული აქტების ბეჭდურ ვერსიებზე ხელმისაწვდომობის უკეთესი შესაძლებლობები.

მომავალ იურისტებს საშუალება ექნებათ, შეიძინონ მაცნეს სტამბაში გამოცემული კოდექსები, ნორმატიული აქტები თუ სხვა სახის იურიდიული ლიტერატურა.

ამ სტუდენტური ვაუჩერებით მათ შესაძლებლობა ექნებათ, ისარგებლონ მაცნეს ადმინისტრაციულ ვებგვერდზე (matsnebooks.gov.ge) განთავსებული ნებისმიერი იურიდიული რესურსით.

თანამშრომლობის ფარგლებში იურიდიული ფაკულტეტის სტუდენტებს, ასევე, შესაძლებლობა ექნებათ, გაერთიანდნენ „მაცნეს კლუბში", რომელიც პირველი სადისკუსიო პლატფორმაა იურისტებისთვის.

აქ ახალგაზრდები უკვე აღიარებულ სპეციალისტებთან ერთად მსჯელობენ და კამათობენ იურიდიულ საკითხებზე, გამოთქვამენ თავიანთ მოსაზრებებს და შეთავაზებებს მიმდინარე რეფორმებსა თუ სხვა აქტუალურ პროცესებთან დაკავშირებით.

 „მაცნეს კლუბი" ახალგაზრდებისთვისაა განკუთვნილი და იმ დამწყებ სპეციალისტებს თუ იურისპრუდენციით დაინტერესებულთ აერთიანებს,  რომელთაც სურთ, წარმატებულ იურისტებს შეხვდნენ და მათთან ერთად საინტერესო და აქტუალურ საკითხებზე იმსჯელონ და დაუსვან  კითხვები.

 „მაცნეს კლუბში"  პრეზენტაციები, დისკუსიები, საჯარო ლექციები საინტერესო საკითხებზე იმართება.

კლუბის მენტორები არიან აღმასრულებელი და საკანონმდებლო ორგანოს, აკადემიური სფეროს წარმომადგენლები მოსამართლეები, ადვოკატები.

კლუბის საქმიანობას თავად წევრები გეგმავენ და ახორციელებენ. ყოველი მომდევნო საჯარო ლექციის თემა მათი მონაწილეობით ირჩევა.

იუსტიციის სამინისტროს მემორანდუმი რამდენიმე სახელმწიფო და კერძო უნივერსიტეტთან აქვს გაფორმებული.

ინფორმაციას იუსტიციის სამინისტრო ავრცელებს. 

(NS) 

ავტორი: ,

სოციალური ქსელები

აშშ-ისკენ მიმავალი რუსული დიზელის საწვავით დატვირთული ბოლო ტანკერი შემობრუნდა და კურსი შეიცვალა.

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ