სოფლის მეურნეობის მინისტრის პირველი მოადგილე ნოდარ კერესელიძე ამერიკის შეერთებული შტატების დაავადებათა კონტროლისა და პრევენციის დირექტორს, ნენსი ნაითს შეხვდა.

უწყების პრესსამსახურის ინფორმაციით, მხარეებმა საქართველოში დაავადებათა კონტროლისა და პრევენციის კონტექსტში სოფლის მეურნეობის სამინისტროს შესაძლებლობების გაძლიერების პერსპექტივები განიხილეს.

როგორც შეხვედრაზე აღინიშნა, სოფლის მეურნეობის სამინისტროსა და ამერიკის შეერთებული შტატების დაავადებათა კონტროლისა და პრევენციის ცენტრს შორის გაფორმებული თანამშრომლობის მემორანდუმის ფარგლებში, ამერიკული მხარე მზად არის საქართველოს დაეხმაროს ზოონოზური დაავადებების პრევენციის, ლაბორატორიული შესაძლებლობების გაძლიერების, ასევე, ცოფის აღმოფხვრის მიმართულებებით.

შეხვედრაზე ნოდარ კერესელიძემ ამერიკის შეერთებული შტატების დაავადებათა კონტროლისა და პრევენციის ცენტრთან თანამშრომლობის მნიშვნელობის შესახებ ისაუბრა და ყურადღება ცხოველთა ჯანმრთელობის ეროვნული პროგრამის ფარგლებში ცხოველთა დაავადებების ზედამხედველობისა  და  კონტროლის  კუთხით  განხორციელებულ ღონისძიებებზე გაამახვილა.

(NS) 

ავტორი: ,

სოციალური ქსელები

აშშ-ისკენ მიმავალი რუსული დიზელის საწვავით დატვირთული ბოლო ტანკერი შემობრუნდა და კურსი შეიცვალა.

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ